Smiley face
Smiley face
Smiley face

ئەنجومەنی ناوەندی شەنگال ڕاگەیەندرا

2018-03-17 13:55:20



ڕۆژنیوز - شەنگال

 

یەکەمین کۆنفرانسی ناوەندی شەنگال بەڕێوەچوو، تێیدا ئەنجومەنی ناوەندی شەنگال ڕاگەیەندرا.

 

ئەمڕۆ کۆنفرانسێک لەلایەن ئەنجومەنی خۆبەڕێوبەری شەنگال، لە ناوەندی شەنگال بەڕێوەچوو، لە ئەنجامدا ئەنجومەنی ناوەندی شەنگال ڕاگەیەندرا.

 

کۆنفرانسەکە لەلایەن ڕهام حەجۆ، هاوسەرۆکی ئەنجومەنی خۆبەڕێوبەری شەنگالەوە بەڕێوەبرا، نوێنەرانی ڕێکخراوەکان و هەروەها ژمارەیەک لە دانیشتووانی ناوەندی شەنگال لەو کۆنفرانسەدا ئامادەبوون.

 

لە هۆڵی کۆنفرانسەکەدا، چەندین پانکارد هەڵواسرا کە لە سەریان نووسرابوو: "ڕێبەر ئاپۆ ئیرادەی گەلانە"،"خۆبەڕێوبەریی شەنگال وەڵامێکە بۆ فەرمانی ٧٣ یەم"، "خۆبەڕێوبەریی شەنگال تۆڵە ژنانی ئێزدییە" و "پشتگیریکردنی عەفرین پشتگیریکردنی شەنگالە".

 

هەروەها لە سەر مێزی دیوانی بەڕێوەبردنی کۆنفرانسەکە بە گەورەیی نووسرابوو: عەفرین بە تەنیا نییە، ئێزدخانی لە پشتە هەڵبجەمان لە بیر ناچێت.

 

لە کۆنفرانسەکەدا، ٢٦ ئەندامی ئەنجومەنی ناوەندی شەنگال و هاوسەرۆکانی ئەو ئەنجومەنە هەڵبژێڕدران، سینەم ئیبراهیم و هادی نەهلۆ، وەک هاوسەرۆکانی ئەنجومەنەکە هەڵبژێردران.

 

هەروەها بڕیاردرا، کە ئەنجومەنی ناوەندی شەنگال بەم زووانە یەکەم کۆبوونەوەی ئەنجام بدات و بەرنامەی خۆی ڕابگەیەنێت.

 

حەجی حەسەن، هاوسەرۆکی دەستەی بەڕێووبەریی شەنگال ڕایگەیاند، کە لە پاش فەرمانی ٧٣ یەمەوە لە ژمارەیەکی زۆر لە گوند و شارۆچکە و شارەدێکانی شەنگال ئەنجومەن دامەزرابوو، ئێستا ئەنجومەنی ناوەندی شەنگالیش دامەزراوە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin