Smiley face
Smiley face
Smiley face

بۆ پشتیوانی لە عەفرین هێڵی شەمەندەفەری مانچستەر وەستێنرا.. بە وێنە

2018-03-12 08:44:13



ڕۆژنیوز – مانچستەر

 

لە چالاکییەکدا بە بەشداری چەندین کەس بۆ پشتیوانی لە عەفرین، هێڵی شەمەندەفەری مانچستەر وەستێنرا، ئەو چالاکییە میدیای جیهانی ناچارکرد کە بایەخی پێبدات.

 

دوێنێ لە پیکادلی گاردن لە شاری مانچستەر لە بەریتانیا، بە بەشداری بۆ پشتیوانی لە عەفرین و شەرمەزارکردنی دەوڵەتی تورک هێڵی شەمەندەفەری ئەو شارە وەستێنرا.

 

چالاکییەکە لەلایەن ڕێکخستنەکانی پژاک و پەیەدە و تەڤگەری ئازادی و گەلی وڵاتپارێزەوە ئەنجامدرا.

 

لە چالاکییەکەدا کە دەیان کەس بەشدارییان تێدا کرد، بۆ پشتیوانی عەفرین و شەرمەزارکردنی کۆمەڵکوژکردنی کورد لەلایەن دەوڵەتی تورک و بێدەنگی دەوڵەتی بەریتانیا، توانرا بۆ سێ کاتژمێر هێڵی هەموو شارەکان بگیرێت و هاتووچۆ وەستێنرا.

 

ڕێپێوانەکە لە پیکادلی گاردن شاری مانجستەر بە دروشمەکانی (تورکیا داعشە، داعش تورکیایە) دەستیپێکرد و بەرەو ویستگەی شەمەندەفەری ئەو شارە.

 

لە ڕێپێوانەکەدا کۆمەڵگەی نێودەوڵەتی لەئاست بێدەنگی کۆمەڵکوژی کوردان شەرمەزارکرا.

 

ئەو ڕێپێوانە جێگای بایەخ بوو، دوای بێدەنگی دەیان میدیای جیهانی لە ئاست کۆمەڵکوژییەکانی دەوڵەتی تورکدا لە عەفرین، لە زۆرینەی ماڵپەڕ و تەلەفزوێنەکانی بەریتانیادا بڵاوکرایەوە، وەک bbc و دەیلی ستار و ئایتیڤ.

 

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin