Smiley face
Smiley face
Smiley face

تەڤ-دەم بانگەوازیی خۆفرۆشان دەکات بەشداری شەڕی دژی کورد نەبن

2018-02-14 11:47:51



ڕۆژنیوز - ناوەندی هەواڵەکان

 

تەڤگەری جڤاکی دیموکرات، تەڤ-دەم، بانگەوازیی خۆفرۆشانی کرد کە لە شەڕی دژی گەلی کورد دا بەشداری نەکەن.

 

لە بارەی بەشداری ئەو هێزانەوە کە بەشداری هێرشی سەر عەفرن بوون، ئەمڕۆ تەڤ-دەم ڕاگەیەندراوێکی بڵاوکردەوە.

 

تەڤ-دەم ڕایگەیاند: ئەردۆغان هەوڵ دەدات ناکۆکییەکان لە کوردستاندا زیادبکات، پاش تێکشکانی هەوڵەکانی ئەم جار خۆفرۆشەکان وەک پارێزوانی گوندەکان بە کاردەهێنێت بۆ زیادکردنی ئەو ناکۆکیانە، بانگەوازیی ئەو خۆفرۆشانە دەکەین بەشداری هێرشی دژی گەلی کورد نەبن.

 

لە ڕاگەیەندراوەکەدا هاتووە: ئەردۆغان لە سەرتای ئاڵۆزییەکانی سوریاوە هەوڵ دەدات لە ناو پێکهاتەکانی سوریادا فیتنە بنێتەوە، لە ساڵی ٢٠١٥دا کاتێک کە شەڕڤانانی یەپەژە و یەپەگە شاری گرێسپی-یان لە چنگی چەتەکانی داعش ڕزگارکرد، ئەردۆغان دەستیکرد بە درۆکردن و بانگەشەی ئەوەی کرد کە یەپەگە سیاسەتی قڕکردن بەڕێوەدەبات، بەڵام بە تێکۆشانی پێکهاتەکانی ناوچەکە هەموو بانگەشەکانی ئەردۆغان بەدرۆخرانەوە.

 

لە بەردەوامیدا ڕاگەیەندراوە: ئەو پرۆژە دیموکراتییەی پێکهاتەکانی ناوچەکە بەڕێوەی دەبەن مەترسییەکی گەورەیە بۆ سەر ئەو سیاسەتەی ئەردۆغان هەوڵدەدات بە فیتنە لە ناو گەلاندا پێکیبێنێت، ئەردۆغان ئەو هێزانەی خۆیان بە هێزەکانی ئۆپۆزسیۆن ناوزەدەکەن بەکاردێنێت بۆ هێرشی سەر عەفرین، مەبەستی ئەوردۆغان لەو کارە بۆ ئێمە ڕوونە، دەیەوێت ناکۆکی و ئاڵۆزی لە نێوان کورد و عەرەبدا دروست بکات.

 

لە کۆتاییدا هاتووە: ئێمە وەک ئەندامانی دەستەی بەڕێوبەری تەڤگەری جڤاکی دیموکرات ڕایدەگەیەنین، کە بەردەوامین لە تێکۆشانمان بۆ پێکهێنانی پرۆژەی فیدرالی لە نێوان گەلاندا، چیدی قبوڵی ناکەین فیتنەی وا لە نێوان گەلاندا پەرە بستێنێت و بانگەوازیی ئەو کوردانەی کە وەک پارێزوانی گوندەکان کاردەکەن دەکەین، کە ئەگەر بیر و پرۆژەی ئێمە قبوڵ ناکەن، لانی کەم بەشداری هێرشی سەر عەفرینیش نەبن.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin