Smiley face
Smiley face
Smiley face

سنە، چالاکوانێکی مەدەنیی بە ٤ ساڵ زیندان سزادرا

2018-02-14 09:02:11



ڕۆژنیوز - ناوەندی هەواڵەکان

 

لقی سنەی دادگای شۆڕشی ئێران، سزای چوار ساڵ زیندانی بە سەر چالاکوانێکی مەدەنیی خەڵکی ئەو شارەدا سەپاند.

 

بەگوێرەی هەواڵێکی کۆمەڵەی مافی مرۆڤی کوردستان، دوێنێ دانیشتنی دادگای شەهرام فەرهادی، چالاکوانی مەدەنی خەڵکی شاری سنە بەڕێوەچووە و لە ئەنجامدا چوار ساڵ سزای بە سەر دا سەپێندراوە.

 

شەهرام فەرهادی دوو مانگ پێش ئێستا لە کاتی کۆکردنەوە و بارکردنی یارمەتی بۆ لێقەوماوانی بوومەلەرزەکەی کرماشان دەستگیرکرابوو، دوێنێش دادگای شۆڕشی سنە بە تۆمەتی هاوکاریکردن لەگەڵ یەکێک لە حزبەکانی رۆژهەڵاتی کوردستان بە چوار ساڵ زیندان سزای دا.

 

جێگای ئاماژەیە، کە لێقەوماوانی بوومەلەرزەکەی کرماشان ڕۆژ لەدوای ڕۆژ دەکەوینە دۆخی سەختترەوە، ئەوە لە کاتێکدایە کە حکومەتی ئێران نەک تەنیا یارمەتییان نادات، بەڵکو تەنانەت ئەو چالاکوانانەش کە هاوکاری زیان بەر کەوتووان دەکەن دەستگیر دەکات و سزایان دەدات.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin