Smiley face
Smiley face
Smiley face

ژینۆ محەمەد: تورکیا بە عەفرین وازناهێنێت و ئەگەری هێرشی بۆ سەر ناوچەکانیتر هەیە

2018-02-14 08:54:44



ڕۆژنیوز - سەمیرا شەهابی

 

ڕۆژنامەنووسێک دەڵێت، تورکیا دەیەوێت بۆ سەردەمی عوسمانی بگەڕێتەوە، ئەوەش تەنها بۆ عەفرین نییە، بەڵکو ئەگەرێکی زۆری هەیە کە هێرش بکاتە سەر ناوچەکانی دیکەش، دەشڵێت: نابێت وەک ئەمریکا و ڕوسیا ئێمە بێدەنگ بین، بێدەنگی حکومەتی هەرێمیش شەرمەزارییە.

 

ئەمڕۆ ٢٦ ڕۆژە عەفرین لە لایەن تورکیاوە هێرشی بەردەوامی دەکرێتە سەر و گەل بە ئیرادەوە لە بەرامبەریدا وەستاوە، ناڕەزاییەکانی ناوخۆ و دەرەوەش دژی ئەو هیرشە بەردەوامە، کە تا ئێستا سەدان هاوڵاتی مەدەنی کردووەتە قوربانی، لەوبارەیەوە ڕۆژنامەنووس و چالاکوان ژینۆ محەمەد بۆ ڕۆژنیوز دەدوێت.

 

ژینۆ محەمەد، وتی:"بەداخەوە ئێمە بەو هەموو تێکۆشانەوە ناوچە کوردییەکانمان پاراست لە باشوری کوردستان، بەڵام دواتر هەموو بە پیلانگێڕی داگیر کرا، لە ئێستاشدا تورکیای فاشیزم بە ئۆپراسیۆنەکانی دەیەوێت بۆ سەردەمی عوسمانی بگەڕێتەوە، ئەوەش تەنها بۆ  عەفرین نییە، بەڵکو ئەگەرێکی زۆری هەیە کە هێرش بکاتە سەر ناوچەکانی دیکەش".

 

وتیشی:"عەفرین بە ئەردۆغانی ڕاگەیاند هەڵەیە و ناتوانێت سەرکەوتن بە دەست بهێنێت، چونکە گەل بەرخۆدان دەکات، واتای ئەوەیە گەل خوێندکاری خوێندنگەیەکن کە خاک و وڵات بە گیان دەپارێزن".

 

ژینۆ باسی لە ڕۆڵی ژنان کرد لە شۆڕشی ڕۆژئاوای کوردستان و وتی:"وەک چۆن ئاپۆی مەزن وتوویەتی هەر شۆڕشێک کە ژن پێشەنگایەتی بکات سەردەکەوێت، ئەم قسەیەش لە شۆڕشی عەفریندا بەرجەستە کراوە، من دوو جار دڵخۆشم، یەکەم گەلی عەفرین لە بەرامبەر زلهێزترین دەوڵەت بە ئیرادەی بەرزەوە دەجەنگێت، دووەمیش ژنانن، ئەو سووکایەتییەی کە بەرامبەر بە تەرمی شەهیدانی ژن دەکرێت سووکبوونی خودی تورکیا نیشان دەدات".

 

ژینۆ ئەوەشی وت:"جاران ژنان لە باشوردا خاوەن هێزبوون، پێویستە بۆ گەڕاندنەوەی ئەو هێزە سیستمی ڕۆژئاوای کوردستان بیگوازینەوە بۆ باشور".

 

ژینۆ محەمەد باسی لە گرنگی پشتیوانییەکان بۆ عەفرین کرد و وتی:"پشتگیرییەکان زۆرن لە گەورەوە تا بچووک لە سەر ئاستی شەقامدا، بەڵام ئەمە بەس نییە و دەبێت پەرلەمان و حکومەت هەڵوێستیان ڕوون بێت، ناکرێت ئێمە وەک ئەمریکا و ڕوسیا ببینە یەکێک لە بینەرەکان، پشتیوانی جدی پەرلەمان بە فشار خستنە سەر حکومەت و پاشان نەتەوە یەکگرتووەکان دەبێت، ئەم بێدەنگییانەی حکومەتیش مەترسییەکی گەورەیە بۆ سەر کوردستان".

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin