Smiley face
Smiley face
Smiley face

پەرلەمانتارێک لیژنەی پشکنینی کەمئەندامان بە گەندەڵیی تۆمەتبار دەکات

2018-02-13 19:29:12



ڕۆژنیوز - قەرەچوغ ئەنوەر

 

ئەندامێکی پەرلەمانی ھەرێمی کوردستان ڕایدەگەیەنێت، بەڵگەمان لایە کە لە لیژنەی پشکنینی کەمئەندامان "بە بەرتیل و واستە کارکراوە"، دەشڵێت: بەداخەوە زوڵمێکی زۆر گەورە لە کەمئەندامان دەکرێت.

 

خەلەف ئەحمەد، ئەندامی پەرلەمانی ھەرێمی کوردستان لە فراکسیۆنی یەکێتی، بە ڕۆژنیوزی ڕاگەیاند:"کەم ئەندامان زوڵمی گەورەیان لێ دەکرێت و وەزارەتی کاروباری کۆمەڵایەتیش ڕێژەی کەمئەندامیی بۆ لەسەدا ٦٥ بەرزکردووەتەوە، واتە ئەگەر کەسێک ڕێژەی کەمئەندامییەکەی لەسەدا ٦٠ بێت مووچەکەی دەبڕدرێت، کە ئەمەش لە هیچ وڵاتێکدا نییە".

 

 

دەشڵێت:"پشکنینی پزیشکیی کەمئەندامان زوڵمی زۆری تیادایە، بە بەڵگە لامانە کە پشکنینەکان بە بەرتیل و واستە کراون".

 

ئەو پەرلەمانتارە، ڕاشیگەیاند:"سەرقالی بەدواداچوونین و سەردانی وەزارەتی کار دەکەین، ئەگەر ئەو کێشەیە چارەسەر نەکرێت، ئەوا بەبڕیار لەڕێگای پەرلەمانەوە ئەو زوڵمانە ڕادەگرین کە بەرامبەر کەمئەندامان دەکرێت".

 

خەڵەف ئەحمەد، وتیشی: بەداخەوە سەرەڕای قورسی ژیانیان، حکومەت ئەو ٩٠ ھەزار دینارەش بە کەمئەندامان بەڕەوا نابینێ و زوڵمی زۆریان لێدەکات.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin