Smiley face
Smiley face
Smiley face

دانیشتنێکی دیکەی دادگایی دەمیرتاش بەڕێوەدەچێت

2018-02-13 16:04:03



رۆژنیوز - ناوەندی هەواڵەکان

 

سبەینێ دانیشتینی دادگای سەلاحەدین دەمیرتاش لە دادگای سزای قورسی ئەنقەرە بەرێوەدەچێت.

 

سەلاحەدین دەمیرتاش لە ڕۆژی ٤-١١-٢٠١٦وە دەستگیرکراوە و لە زیندانی ئەدیرنەدایە، ئەمڕۆ لە ئەدیرنەوە گوازرایەوە بۆ ئەنقەرە.

 

بەهۆی بچوکبوونی هۆڵی دادگای ئەنقەرە و لەلایەکی دیکەوە بەشداربوونی زیاتر لە ١٠٠ پارێزەر لەو دادگایەدا، دانیشتنی دادگاکە لە هۆڵی دادگای زیندانی سینجان لە ئەنقەرە بەرێوەدەچێت.

 

سەلاحەدین دەمیرتاش بە تۆمەتەکانی "دامەزرانی ڕێکخراوی تیرۆریستی" و "پروپاگەندە بۆ ڕێکخراوی تیرۆریستی" دادگایی دەکرێت و پێدەچێت داواکاری گشتی داوای سزای ١٤٢ ساڵ زیندانی بۆ بکات.

 

ئەو دادگایە لە کاتێکدا لە ئەنقەرە ئەنجام دەدرێت، کە سکاڵاکە لە دادگای ئامەد دا تۆمارکرابوو، بەڵام بە بەهانەی ئاسایش سکاڵاکەیان ڕەوانەی دادگای سزای قورسی ئەنقەرە کردووە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin