Smiley face
Smiley face
Smiley face

سەندیکاکانی بەریتانیا: بۆ ئازادیی ئۆجالان هەوڵ دەدەین وەکچۆن بۆ ماندێلا هەوڵمان دا

2018-02-13 10:55:10



ڕۆژنیوز – ناوەندی هەواڵەکان

 

کۆنگرەی سەندیکاکانی کرێکاران، مامۆستایان، شۆفیری شەمەندەفەرەکان و هاتوچۆی دەریایی لە بەریتانیا، کە چەند ملیۆنێک ئەندامی هەیە، بڕیاریدا کە هەوڵ بدات بۆ ئازادی ئۆجالان، وەکچۆن بۆ ئازادیی ماندێلا هەوڵی داوە.

 

کەمپەینی ئازادی بۆ ئۆجالان لە بەریتانیا یەکێکە لە گەورەترین کەمپەینەکان، وتەبێژی فیدراسیۆنی سەندیکاکانی بەریتانیا بەشداربوونی ئەو سەندیکایانی لە کەمپەیەنەکەدا ڕاگەیاند.

 

دووگ نیکۆڵز، وتەبێژی فیدراسیۆنی سەندیکاکانی بەریتانیا ڕایگەیاند: وەکچۆن سەندیکاکانمان بۆ ئازادیی نێلسۆن ماندێلا بەشداری کەمپەینیان کردبوو، بۆ ئۆجالانیش ئەو کارە دەکەین، ئێمە هەدەپەمان بۆ کۆنگرە گشتییەکەمان بانگهێشت کردبوو لە بارەی هێرشەکانی سوریا، تورکیا و عێراق بۆ سەر گەلی کورد قسەیان بۆ کردبووین، هەر لەوێش لە بارەی بەشداربوونمان لە کەمپەینی ئازادی بۆ ئۆجالان دا قسەمانکرد، ئێمە نەک تەنیا بەشداری ئە کەمپەینە دەبین، لەم هاوینەدا فیستیڤاڵی گەورەی کورد بەرێوەدەبەین.

 

نیکۆڵز تیشکی خستە سەر گۆشەگیرکردنی عەبدوڵا ئۆجالان و، وتی: ئەو دۆخەی ئۆجالانی تێدایە زۆر سەختە، پێویستە پشتگیریی هەموو ئەو زیندانییە سیاسییانە بکەین کە لە دۆخی وەهادان، ئۆجالان دیموکراسی، یەکسانی ژن و پیاو و خۆبەرێوبەریی لە کۆمەڵگادا پێش خستووە، پێمانوایە ئۆجالان ئایدیۆلۆژییەکی هەیە کە دەتوانێت ببێتە هۆی پێکهاتنی ئاشتی و ئارامی لە جیهاندا، بۆیەشە دەمانەوێت ئازاد بکرێت.

 

لە کۆتایی قسەکانیشیدا وتی: سەرەتا بۆ هەموو سەندیکاکانمان نووسی کە بۆ بەشداری لەو کەمپەینەدا زانیاری لە کۆمەڵگادا بڵاوبکەنەوە، بۆ بەشداربوونمان لەو کەمپەیەنەدا هەموو دەرفەتەکانمان بە کار دەهێنین، تا ئێستا لە کەمپەینی ئازادیی ئۆجالان دا ١٠ ملیۆن واژۆ کۆ کراوەتەوە، ئەوەش پیشانی دەدا کە ئەو کەمپەینە لە ئاستێکی بەرزدا جەماوەرییە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin