Smiley face
Smiley face
Smiley face

بۆ سەرکەوتن بەسەر دووژمندا بانگەوازیی بۆ یەکێتی نەتەوەیی دەکرێت

2018-02-13 10:29:12



ڕۆژنیوز ـ هاوڕێ و بۆتان

 

هاوڵاتیانی گەرمیان بانگەوازیی بۆ یەکتی نەتەوەیی دەکەن بۆ سەرکەوتن بەسەر دووژمن-دا و دەڵێن: تورکیا بە درێژایی مێژوو دووژمنی کوردبووە، بۆیە پێویستە لەبەرامبەریدا هەموومان پشتیوانیی عەفرین بکەین.

 

ئەمڕۆ ٢٥ ڕۆژە بەرخۆدانی سەردەمی عەفرین لەبەرامبەر هێرشی دڕندانەی دەوڵەتی تورک بۆسەر ئەو کانتۆنە بەرێوەدەچێت و هاوڵاتیانی ئیدارەی گەرمیان-یش لەوبارەیەوە بۆ ڕۆژنیوز دەدوێن.

 

جەزا فازیل، یەکێک لەو هاوڵاتیانەیە و وتی: وڵاتە زلهێزەکان دەیانەوێت عەفرین بکەنە قوربانی مەرام و سیاسەتە چەوتەکانى خۆیان، بەڵام دڵنیام عەفرین مێژووى نوێی کورد دەنووسێتەوە بەم سەرکەوتنە مەزنەى بەسەر تورکیاى فاشیستدا.

 

 

هەروەها، شەرمین عەلی، ڕۆژنامەنوس، وتى: ئەو کاتەی داعش پەلاماری کۆبانێیدا هەرێمی کوردستان لەڕێگەی پەرلەمانەوە بڕیاریدا، بە ناردنی هێز بۆ ئەو شارە، ئێستاش ئەرکە لەسەر پەرلەمان و حکومەتی ھەرێمی کوردستان بۆ عەفرین-یش هەمان بڕیار بدەن.

 

 

شەرمین عەلی، حکومەتی هەرێم بو بێباک و کەمتەرخەم لە ئاستت عەفرین ناوبرد و وتی:"بچوکترین ئەرک، کە کردنەوەی دەروازە سنورییەکانە بەڕووی ڕۆژئاوادا، هەرێم جێبەجێی نەکردووە".

 

فاتیح کەریم، هاوڵاتییەکی دیکەیە و وتی: ئەوەی تورکیا دەیکات نامرۆڤانە و دڕندانەیە، پێویستە  نەتەوە یەکگرتووەکان و ڕێکخراوەکانى مافی مرۆڤ، لە ئاست ئەم تاوانە چیتر بێدەنگ نەبن و هەڵویستان هەبیت.

 

 

فاتیح کەریم، وتیشی: گرنگە لایەنە کوردستانیەکانی باشور، واز لەو هەڵویستە شەرمنانەیان بهێنن و کوردانە بێنە دەنگ بۆ پاڵپشتییکردن لە عەفرین.

 

فەتاح حەمەئەمین ئەحمەد، پێشمەرگەیەکی دێرینە و وتى: بە درێژایی مێژوو تورکیا دوژمنی کورد بووە، بۆیە پێویستە کورد یەکگرتوو بێت و پشتی یەک بگرێت بەتایبەت لەکاتی شەڕدا.

 

 

فەتاح حەمە ئەمین ئەحمەد، وتیشی:"تەمەنم نزیکە لە ٦٠ ساڵ، ئامادەم گیانى خۆم لە عەفرین بەخت بکەم، بەمەرجێک ڕێگا هەبێت بۆ ڕۆیشتن".

 

 

ش.ف

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin