Smiley face
Smiley face
Smiley face

دوو ژنی دیکە بەهۆی سوتانەوە گیانیان لەدەستدا

2018-02-11 13:10:03



ڕۆژنیوز – شارەزوور

 

لە شارۆچکەی شارەزوور و گوندێکی سەیدسادق-ی سەر بە پارێزگای سلێمانی دوو ژن بەهۆی سوتانەوە گیانیان لەدەستدا.

 

دوای نزیکەی هەفتەیەک مانەوەی لە یەکێک لە نەخۆشخانەکانی وڵاتی ئێران، دوێنێ ژنێکی گەنجی دانیشتووی شارۆچکەی شارەزووری سەر بە پارێزگای سلێمانی بەناوی (ک.ئـ) گیانی لەدەستدا و ڕۆژی ٩ی ئەم مانگەش ژنێکی دیکە بەناوی (ئـ.م) لە گوندی کێلەکەوەی سەر بە شارۆچکەی سەیدسادق هەر بەهۆی سوتانەوە گیانی لەدەستدا.

 

بەگوێرەی وتەی پۆلیسی سەیدسادق"شەوی ٥ی ئەم مانگە (ئـ.م)،لەکاتێکدا، کە خەریکی برژاندنی گەنمەشامیی بووە، بەهۆی کڵپەکردنی ئاگرەوە  بە ڕێژەی ٩٧%سوتاوە و هاوسەرەکەشی لەکاتێکدا، کە هەوڵیداوە ئاگرەکە بکوژێنێتەوە دەستی سوتاوە".

 

ڕۆژنیوز هەوڵیدا زانیاریی لەسەر سوتانی (ک.ئـ) دەستبەکەوێت، بەڵام زانیاریی دەستنەکەوت.

 

جێگای ئاماژەیە، ژمارەی گیانلەدەستدانی ژنان ڕۆژ بە ڕۆژ لە باشوری کوردستان زیاتر دەبێت و لە زۆربەی ئەو ڕووداوانەشدا پۆلیس و کەسوکاری قوربانییەکە و هۆکارەکەی بۆ "تێکچوونی باری دەرونیی یان قەزاوقەدەر" دەگێڕنەوە.

 

بەپێی ئامارێک-یش، کە ڕۆژنیوز لای خۆی کۆیکردووەتەوە، لە سەرەتای ئەمساڵەوە ٥٣ ڕووداوی کوشتن و خۆکوشتن، لە باشوری کوردستان تۆمار ڕوویانداوە.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin