Smiley face
Smiley face
Smiley face

لە پێنج ڕۆژدا ٢٥٠ هاوڵاتی لە دەوروبەری دیمەشق بوونەتە قوربانی

2018-02-10 13:50:23



رۆژنیوز - ناوەندی هەواڵەکان

 

ڕوانگەی سوری بۆ مافەکانی مرۆڤ ڕایگەیاند، کە لە ئەنجامی بۆردوومانەکانی ڕژێمی سوریا بۆ سەر ئەربین و خۆرتای ڕۆژهەڵات، لە ماوەی پێنج ڕۆژدا ٢٥٠ هاوڵاتی مەدەنی بوونەتە قوربانی.

 

ماوەی هەفتەیەکە، کە هێرشی قورس دەکرێتە سەر ئەربین و خۆرتای ڕۆژهەڵات لە دەوروبەری دیمەشقی پایتەخت، سەدان هاوڵاتی لە ئەنجامی ئەو بۆردوومانانەدا بوونەتە قوربانی.

 

ڕوانگەی سوری بۆ مافەکانی مرۆڤ ژمارەی قوربانیانی ئەمڕۆی بۆردومانەکانی ڕوسیا بۆ سەر خۆرتای ڕۆژهەڵات و ئەربینی بە ١٦ کەس ڕاگەیاندووە، هەروەها ئاشکرایکردووە کە لە ماوەی پێنج ڕۆژی ڕابردوودا ٢٥٠ هاوڵاتی بوونەتە قوربانی کە ١٠٤یان منداڵ بوون.

 

هەروەها ڕاگەیەندراوە، کە ئەمڕۆ هێرش کراوەتە سەر گوندەکانی دەوروبەری شارۆچکەی یادوودە لەلایەن هێزەکانی ڕژێمی ئەسەدەوە، بەڵام زیان و ئەنجامەکانی هێشتا ڕانەگەیەندراوە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin