Smiley face
Smiley face
Smiley face

میدیاکانی جیهان باسی کوشتنی هاوڵاتیانی مەدەنیی عەفرین دەکەن

2018-02-10 11:54:59



ڕۆژنیوز - ناوەندی هەواڵەکان

 

میدیاکانی جیهان بە بڵاوکردنەوەی ئەنالیز و وتار و هەواڵ هێرشەکانی دەوڵەتی تورک بۆسەر کانتۆنی عەفرین ڕووماڵ دەکەن و ڕۆژنامەی تایمزی ئەمریکی-ش دەڵێت: تورکیا لە عەفرین هاوڵاتیانی مەدەنیی دەکاتە ئامانج و دەیانکوژێت.

 

هێرشی سوپای تورک بۆ سەر عەفرین لە ٢٢یەمین ڕۆژیدا بەردەوامە، لە ئاسیا تایمز، یۆرۆنیوز، فرانکفۆرتێر ڕۆندشاو و تایمز، لە بارەی پرسی عەفرین و  هێرشی سوپای تورک بۆ سەر ئەو کانتۆنە وتار و ئانالیزیان بڵاوکردەوە.

 

لە وتارێکدا کە بە واژۆی ئیمانوێل شیما، لە ئاسیا تایمز دا بڵاوبووەتەوە هاتووە: لە نێوان تورکیا و ئەمریکادا لە دژی کوردانی سوریا ڕێککەوتن کراوە، تورکیا ڕێککەوتنی لەگەڵ ڕوسیا لە دژی کورد بە کار دێنێت.

 

یۆرۆنیوز-یش قسەکانی ساڵح موسلم، ئەندامی دەستەی بەڕێوبەریی تەڤدەم-ی لەبارەی هێرش بۆ سەر عەفرین بڵاوکردەوە، کە وتبووی: هێرش بۆسەر عەفرین بۆ تورکیا وەک تۆڵەکردنەوە وایە، چونکە تورکیا و داعش هیچ جیاوازییەکییان نییە.

 

ڕۆژنامەی فرانکفۆرتێر ڕۆندشاو، کە ڕۆژنامەیەکی سۆسیال دیموکراتە ڕایگەیاندووە: ئەردۆغان یەپەگە بە تیرۆریست ناوزەد دەکات، ئەوە لە کاتێکدایە کە تیرۆر لەلایەن تورکیا خۆیەوە ئەنجام دەدرێت.

 

ڕۆژنامەی تایمزی ئەمریکی-ش ڕایگەیاند، کە تورکیا عەفرین بۆردوومان دەکات و هاوڵاتیانی مەدەنی دەکاتە ئامانج و دەیانکوژێت.

 

 

ش.ف

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin