Smiley face
Smiley face
Smiley face

پەرلەمانی ئەوروپا: هێرشی تورکیا بۆ سەر عەفرین هیچ پەیوەندییەکی بە شەڕی تیرۆرەوە نییە

2018-02-07 11:01:12



ڕۆژنیوز - ناوەندی هەواڵەکان

 

دەیان پەرلەمانتار لە پەرلەمانی ئەوروپادا دژی پێشێلکارییەکانی سوپای تورک لە عەفریندا قسەیان کرد و ڕایانگەیاند، کە هێرشی سوپای تورک بۆ سەر عەفرین هیچ پەیوەندییەکی بە شەری دژی تیرۆرەوە نییە.

 

دوێنێ لە دانیشتنی پەرلەمانی ئەوروپادا باس لە هێرشی تورکیا بۆ سەر عەفرین کرا و ئەو هێرشە بە توندی شەرمەزارکرا.

 

لە سەرەتای دانیشتنەکەدا، فیدریکۆ مۆگرینی، نوێنەری باڵای ئاسایش و پەیوەندییەکانی دەرەوی پەرلەمانی ئەوروپا قسەیکرد و وتی، کە بەردەوامین لە دیالۆگەکانمان لەگەڵ تورکیادا، هەروەها باسی لە پێشێلکارییەکانی حکومەتی تورک لە دژی ڕۆژنامەنووسان و سیاسەتمەداران و چالاکوانانی ئۆپۆزسیۆن کرد.

 

لە بەردەوامیشدا وتی: هێرش بۆ سەر عەفرین ڕێگای کردووەتەوە بۆ ئاوارەبوونی هەزاران هاوڵاتی، ئەوەش کاریگەری نەرێنی دەبێت لە سەر هاوسەنگییە ناوخۆکانی سوریادا.

 

پاش قسەکانی مۆگرینی دەیان پەرلەمانتار قسەیان کرد و ڕایانگەیاند، کە پێویستە پەرلەمانی ئەوروپا هەڵوێستی توند بگرێت بەرامبەر بە پێشێلکارییەکانی تورکیا.

 

پەرلەمانتارێکی سوید لە یەکێتی ئەوروپا وتی: هێرشی سوپای تورک بۆ سەر عەفرین هیچ پەیوەندییەکی بە شەری دژی تیرۆرەەوە نییە، کوشتنی منداڵان و هاوڵاتیان لە لایەن سوپای ئەوردۆغانەوە چۆن ڕەوایەتی پێدەدرێت، پێویستە فرۆشتنی چەک بە تورکیا بوەستێندرێت.

 

پەرلەمانتاری چیک-یش وتی: ئێمە یەپەگە بە هێزێکی تیرۆریستی نازانین، نابێت خەڵکی عەفرین بە تەنیا بهێڵدرێنەوە بۆ پاراستنی پێگەکانی تورکیا.

 

پەرلەمانتارێکی فەرەنسیش بە وتنی عەفرین بەتەنیا نییە دەستی بە قسەکانی کرد و وتی، کە بە توندی ئۆپەراسیۆنی داگیرکردنی عەفرینی شەرمەزار دەکەم.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin