Smiley face
Smiley face
Smiley face

مەرزە لاوەکییەکانی سنوری هەڵەبجە بەکراوەیی دەمێننەوە

2018-02-05 17:36:27



ڕۆژنیوز - جیهاد هەوارمی

 

قایمقامی قەزای ناوەندی هەڵەبجە ڕایگەیاند: حکومەتی ناوەندی بڕیاریدا کە مەرزی شۆشمێ و سەرجەم مەرزە لاوەکییەکانی سنوری پارێزگای هەڵەبجە و چەند مەرزێکی تری لاوەکی بەکراوەیی بمێننەوە و هەناردە و هەناردەی شتومەک ڕاناگیرێت.

 

پاش بڕیاری داخستنی سەرجەم مەرزە لاوەکییەکانی هەرێمی کوردستان بەبیانووی تۆمارنەکردنیان لەلایەن حکومەتی عێراقەوە، جارێکی دیکەی بەبڕیاری حکومەتی عێراق، مەرزی شۆشمێ و تەواوی مەرزە لاوەکییەکانی سەر بە پارێزگای هەڵەبجە دەکرێنەوە.

 

نوخشە ناسیح، قایمقامی قەزای ناوەندی هەڵەبجە، بە ڕۆژنیوزی وت:"لەداوی داخستنی مەرزە لاوەکییەکانی هەرێمی کوردستان کە مەرزی شۆشمێ و چەند مەرزێکی تری لاوەکی پارێزگای هەڵەبجەشی بەرکەوت، لەهەوڵدابووین بۆ ئەوەی حکومەتی ناوەند لەو بڕیارە پاشگەزببێتەوە و مەرزەکان بکاتەوە، خۆشبەختانە توانیمان سەرکەوتووبین لەهەوڵەکانمان".

 

 

هەروەها، وتی:"لەسەر داواکاریی ئیدارەی هەڵەبجە و بەهەوڵی ژمارەیەک لە ئەندامانی کورد لە ئەنجومەنی نوێنەرانی عێراق، سەرەتا حکومەتی ناوەندی بڕیاریدا کە ماوەی ٧٢ کاتژمێر مۆڵەت بۆ ئەو کەسانە دابنێت بۆ ناردن و هەناردەکردنی شتومەکەکانیان، بەڵام بەهۆی پێداگری لە کردنەوەی بەیەکجاریی، دواجار حکومەتی ناوەندی ڕەزامەدی دەربڕی بە کردنەوەی یەکجاریی مەرزی شۆشمێ و تەواوی مەرزە لاوەکییەکانی دیکەی سنوری پارێزگای هەڵەبجە".

 

قایمقامی قەزای ناوەندی هەڵەبجە، ئەوەشی خستەڕوو: بڕیارەکە جگە لە مەرزی شۆشمێ، هەریەکە لە مەرزەکانی پشتە لە شارەدێی بەمۆ، سەیران بەن لەسنوری شارۆچکەی پێنجوێن و مەرزی کێلێ ئیدارەی ڕاپەڕین دەگرێتەوە.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin