Smiley face
Smiley face
Smiley face

لەناو بازاڕی کەلار تەقە لە دوکاندارێک کرا

2018-02-04 11:45:21



ڕۆژنیوز ـ هاوڕێ کرێکار 


لەناو بازاڕی شارۆچکەى کەلار دوکاندارێک بە فیشەک بریندارکرا، پۆلیسی گەرمیانیش دەڵێت، هۆکاری بریندارکردنى ئەو کەسە بەهۆی کێشەى زەویوزارەوە بووە. 


بەیانى ئەمڕۆ لەناو بازاڕی شارۆچکەى کەلاری ناوەندی ئیدارەى گەرمیان کەسێک بە فیشەک دوکاندارێکى بریندار کرد. 


عەلی جەمال، وتەبێژى پۆلیسی گەرمیان، بە ڕۆژنیوزى ڕاگەیاند: کەسێک لە نێو بازاڕی کەلار، بە دەمانچە تەقەى لە دوکاندارێک کردووە بە ناوى (خەلیل کۆمپیوتەر) و برینداری کردووە و دواتر بۆ شوێنێکى نادیار هەڵهاتوووە. 

 


عەلی جەمال، وتیشی: بریندارەکە بە مەبەستى چارەسەر براوەتە نەخۆشخانەى فریاکەوتنى شەهید هەژار و هێزەکانى پۆلیسی ١٠٤ یش، توانیویانە تۆمەتبارەکە دەستگیر بکەن، تۆمەتبارەکە دانى بەوەدا ناوە بەهۆی کێشەى زەوریوزارەوە تەقەى لێکردووە و پۆلیسیش دەستى بە لێکوڵینەوە کردوە لە ڕووداوەکە. 


بە پێی زانیارییەکانى ڕۆژنیوز، فیشەکەکە بەرشانى ئەو دوکاندارە کەوتووە و لە نەخۆشخانەى شەهید هەژار چارەسەر دەکرێت و پێویست بە ڕەوانەکردنی ناکات بۆ سلێمانى.


ڕووداوەکانی کوشتن لە هەرێمی کوردستان زیادیان کردوە و ڕۆژانە هەواڵی کوشتن یان خۆکوشتن بڵاودەبێتەوە، ئەوەش بەهۆی ئەوەی خەڵک بە ئاسانی دەتوانن چەک بەکاربێنن و بکوژانیش بە ئاسانی لە یاسا دەرباز دەبن.


به‌پێی ئامارێکی ڕۆژنیوزیش، که‌ ڕۆژانه‌ کۆی کردووه‌ته‌وه‌، له‌ سه‌ره‌تای ئه‌مساڵه‌وه‌ تا ئێستا ٣٤ که‌س له‌ هه‌رێمی کوردستان کوژران یان خۆیان کوشتووه‌.


ک.ک
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin