Smiley face
Smiley face
Smiley face

سلێمانی، گەنجان بۆ پشتگیریکردن لە عەفرین خێمەیان ھەڵدا

2018-01-23 18:28:06



ڕۆژنیوز- دانا عومەر

 

ژنانی گەنجی تێکۆشەر و گەنجانی وڵاتپارێز، بۆ پشتگیریکردن لە کانتۆنی عەفرین، لە سلێمانی خێمەیان ھەڵدا و ڕایانگەیاند، کە لە خێمەکەدا چالاکی جۆراوجۆر ئەنجام دەدەن بۆ عەفرین.

 

کاتژمێر ٠٥:٠٠ ی ئێوارەی ئەمڕۆ، کۆمەڵەی گەنجانی وڵاتپارێزی کوردستان و ڕێکخراوی ژنانی گەنجی تێکۆشەر، لە شەقامی سالم لە شاری سلێمانی، خێمەیان بۆ پشتگیریکردن لە کانتۆنی عەفرین لەبەرامبەر هێرشەکانی سوپای تورک ھەڵدا.

 

ژینۆ کەریم، ئەندامی ڕێکخراوی ژنانی گەنجی تێکۆشەر، بە ڕۆژنیوزی وت:"وەک گەنجان بۆ پشتگیریکردن لە شاری عەفرین و ئەو بەرخۆدانەی لەوێ دەکرێت، ھەستاوین بە ھەڵدانی خێمە، دەمانەوێت لەشاری سلێمانییەوە بڵێین عەفرین بە تەنیا بەجێ ناھێڵین".

 

 

ژینۆ، ئاماژەی بەوەشکرد، لە خێمەکەدا چالاکی جۆراوجۆر پێشکەش دەکەن و تاوەکو مەترسی لەسەر عەفرین ھەبێت، بەردەوام دەبن لە چالاکی و بە شەو و ڕۆژ لە خێمەکەدا دەمێننەوە.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin