Smiley face
Smiley face
Smiley face

لە ناوخۆی چەتەکانی سەربە تورکیادا شەڕ ڕوویدا

2018-01-23 14:29:24



ڕۆژنیوز - ناوەندی هەواڵەکان

 

چەتەکانی سەربە تورکیا کە لەلایەن شەرڤانانی یەپەگە و یەپەژەوە گورزی قورسیان بەرکەت، پاش ئەو شکستانە لە ناو خۆیاندا شەڕ ڕوویدا.

 

سەرچاوە خۆجێییەکان لە شاری عەزازەوە بە ئاژانسی هەواڵی هاواریان ڕاگەیاندووە، کە شەوی ڕابردوو لە ناوخۆی چەتەکانی سەربە تورکیادا شەر ڕوویداوە.

 

ئەو دەستە چەتانە کە بە هاوکاری سوپای تورک هێرشیان بۆ سەر عەفرینیان دەستپێکردووە، لە چەندین خاڵدا ڕووبەڕووی بەرخۆدانی شەڕڤانانی یەپەژە و یەپەگە بوونەوە و گورزی کوشندەیان لێدرا، کە تەنیا لە یەکێکیاندا لە شەهبا ١٥یان لێکوژرا،  پاش ئەو شکستانە لە ناوخۆی چەتەکاندا شەڕ ڕوویدا.

 

سەرچاوە خۆجێییەکان ڕایانگەیاندووە، کە ئەو چەتانە دەڵێن: بۆچی سوپای تورک هێزەکانمان لە بەرەکانی پێشەوەی شەڕدا بەکار دێنێت و سەربازەکانی خۆی لە شەڕ و مەترسی دەپارێزێت، ئێمە لە پێشەوە شەڕ دەکەین و سەربازەکان لە ناو ناوەندەکانیاندا لە سەر سنوور چا دەخۆنەوە.

 

ئەو سەرچاوانە ئەوەشیان ڕاگەیاندووە، کە ئەگەری هەیە ناکۆکی لە ناوخۆی چەتەکان و لەگەڵ سوپای تورکدا بەرفراوانترببێتەوە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin