Smiley face
Smiley face
Smiley face

حزبی شیوعی: بە نەتەوەیەکگرتووەکانمان وت سنوورێک بۆ تورکیا دابنێن

2018-01-23 14:22:41



ڕۆژنیوز - قەرەچوغ ئەنوەر

 

گردبوونەوە و خۆپیشاندانەکان لەدژی پێشێلکارییەکانی دەوڵەتی تورک بۆسەر عەفرین بەردەوامە و جارێکی تریش داوا لە نەتەوەیەکگرتووەکان کرا بێدەنگ نەبێت و سنوورێک بۆ دەستدرێژییەکانی تورکیا دابنێت.

 

ئەمڕۆ، حزبی شیوعی کوردستان گردبوونەوەیەکی ناڕەزایی لەبەردەم بارەگای نەتەوەیەکگرتووەکان لەشاری ھەولێر ئەنجامدا و لەگەڵ بەرپرسانی نەتەوەیەکگرتووەکان کۆبوونەوە.

 

دوای کۆبوونەوەکە، ئەحمەد شێروانی، ئەندامی کۆمیتەی ناوەندی حزبی شیوعی کوردستان ڕایگەیاند: نیگەرانیی و گلەییەکانی خۆمان گەیاندە نەتەوەیەکگرتووەکان لەبەرامبەر ئەوەی چەند ڕۆژێکە بێدەنگە لەسەر کۆمەڵکوژییەکەی عەفرین.

 

 

وتیشی: داوامانکرد، کە بەزووترین کات سنوورێک بۆ لەشکرکێشییەکانی تورک دابنێن و گیانی گەلی رۆژئاوا بپارێزرێت، چونکە ئەوانە ھاوشانی وڵاتە زلھێزەکان شەڕی تیرۆریستانی داعشیان کرد.

 

ئەحمەد شێروانی، وتیشی: بەرپرسانی نەتەوەیەکگرتووەکان بەڵێنیاندا سەرجەم گلەیی و داواکارییەکانمان بگەیەننە سەروی خۆیان.

 

جیگای ئاماژەیە لەئێوارەی ٢٠ی ئەم مانگەوە دەوڵەتی تورک هێرش و پەلاماراکانی بۆسەر کانتۆنی عەفرین-ی ڕۆژئاوای کوردستان دەستپێکردووە و چەندین هاوڵاتی مەدەنیی شەهید و بریندارکردووە، لە بەرامبەردا شەڕڤانان وەڵامی توندی سوپای تورک دەدەنەوە و لە باشوری کوردستان-یش لەسەرەتای دەستپێکردنی هێرشەکەوە لە دهۆکەوە تا خانەقین، هاوڵاتیان لەسەر شەقامەکانن و پشتیوانیی خۆیان بۆ عەفرین نیشان دەدەن.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin