Smiley face
Smiley face
Smiley face

خانەقینیش پشتیوانی لە عەفرین دەكات

2018-01-22 20:07:22



ڕۆژنیوز - ئەمیر خانەقینی

 

بۆ پشتیوانیکردن لە عەفرین و شەرمەزارکردنی هێرشەکانی سوپای تورکیا، لە شارۆچکەی خانەقینیش گردبوونەوەیەک بەڕێوەچوو.

 

ئێوارەی ئەمڕۆ، لە شارۆچكەی خانەقین-ی سەر بە پارێزگای دیالە، تەڤگەری ئازادیی کۆمەڵگەی كوردستان و ڕێكخراوە جەماوەرییەكانی حزبی شیوعی کوردستان، گردبوونەوەی لە گۆرەپانی كرندی بۆ پشتیوانی عەفرین ئەنجامدا.

 

 

عەدالەت ئەحمەد، بەرپرسی ڕێكخراوە جەماوەرییەكانی حزبی شیوعی كوردستان لە خانەقین، بە ڕۆژنیوزی وت: ئەوەی لە عەفرین ئەنجام دەدریت دژی هاونیشتمانیان جینۆسایدە و ناكرێت لە بەردەم چاوی هەموو ڕێكخراوە جیهانییەكانی مافی مرۆڤ و نەتەوە یەگرتووەكان و وڵاتی زڵهێز كە خۆیان بە پارێزەری مافی مرۆڤ و مرۆڤایەتیی دەزانن، ئەو تاوانە لە دژی عەفرین ئەنجام بدرێت لە لایەن توركیاوە.

 

 

وتیشی: دەسەڵاتدارانی توركیا هەرگیز ئاشتیخواز و دیموكراتخواز نەبوون، بەڵكو هەمیشە تیرۆرست و شەرەنگیز بوونە، بۆیە داواكارین لەسەرجەم كوردستانیان بێنە سەر شەقامەکان و ناڕەزایەتی خۆیان بگەیننە جیهان.

 

هەروەها كەنعان، ئەندامی ئەنجومەنی هەرێمی گەرمیانی تەڤگەری ئازدیی لە خانەقین، بە ڕۆژنیوزی وت: لە پیلانێكی نێودەڵەتیدا شەو شەڕە لەدژی عەفرین بەرپاكراوە، چونكە هەموو جیهان بێدەنگە لە ئاست تاوانەكانی وڵاتی توركیا بەرامبەر عەفرین.

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin