Smiley face
Smiley face
Smiley face

باڵەکایەتیش بۆ عەفرین لەسەر پێ بوو

2018-01-22 19:14:04



ڕۆژنیوز- زۆسك باڵەک

 

لە چوارچێوەی ئەو چاڵاكی و ناڕەزاییانەی لە شار و شارۆچكەكانی باشوری كوردستان دژی هێرشەکانی سوپای تورک بۆ سەر عەفرین بەڕێوەدەچێت، لە شارۆچکەی چۆمان-ی ناوچەی باڵەکایەتیش گردبوونەوەیەک بەڕێوەچوو.

 

ئێوارەی ئەمڕۆ، لەناو بازاڕی شارۆچكەی چۆمان-ی سەر بە پارێزگای هەولێر لە باڵەكایەتی، ژمارەیەک لە ڕۆشنبیران و ڕۆژنامەنووسان و چین و توێژەكانی شارۆچکەکە، گردبوونەوەیەكیان بۆ پشتیوانیی لە كانتۆنی عەفرین ئەنجامدا.

 

 

لە گردبوونەوەکەدا، ئارام زرار، چالاکوانی مەدەنی، بەیاننامەی گردبوونەوەکەی خوێندەوە و تیایدا هاتبوو: دەوڵەتی توركیا لە دژی ئەو پێكەوەژیان و بەشدارییە سیاسیی و ئیداریی و جڤاكییەی لەنێوان نەتەوە و ئایین و بیر و باوەڕەكانی ڕۆژئاوادا دروستبووە دەوەستێتەوە، نایەوێت ئەو پێكەوەژیانە لەنێوان پێكهاتەكانی عەفریندا بەردەوام بێت.

 

 

ئەوەش هاتبوو:"داوا لە كۆمەڵگای نێودەوڵەتی و هێزە جیهانییەكان دەكەین، كە پێش لەو پێشێلكاری و تاوانكاریەیی دەوڵەتی توركیا بگرێت، كە بە چەكی پێشكەوتووی ڕێكخراوی ناتۆ هێرش دەكاتە سەر شارەكانی ڕۆژئاوای كوردستان بەتایبەت كانتۆنی عەفرین".

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin