Smiley face
Smiley face
Smiley face

قەڵادزێ، گردبوونەوەیەک بۆ پشتیوانی عەفرین ئەنجامدرا

2018-01-22 17:38:47



ڕۆژنیوز - عەلی قادر

 

بۆ پیشتوانی عەفرین و شەرمەزارکردنی هێرشەکانی تورکیا، لە شارۆچکەی قەڵادزێ گردبوونەوەیەک بەڕێوەچوو.

 

ئێوارەی ئەمڕۆ، ژمارەیەک لە چالاکوانان و ڕۆژنامەنووسان و تەڤگەری ئازادیی، لە باخی پیرەمێرد لە شارۆچکەی قەڵادزێی سەر بە ئیدارەی ڕاپەڕین، گردبوونەوەیەکیان بۆ پشتیوانی عەفرین ئەنجامدا.

 

 

سابیر عەبدوڵا، ڕۆژنامەنووس، بەیاننامەی گردبوونەوەکەی خوێندەوە و تیایدا هاتبوو:"سوپای داگیرکەری تورکیا دەستیکردووە بە لەشکرکێشی بۆ سەر کانتۆنی عەفرین و ڕۆژئاوای کوردستان، دوور لەهەموو بنەما و پرەنسیپەکانی مافی مرۆڤ و دوور لە بەها مرۆڤایەتییەکان بۆردوومانی کانتۆنی عەفرین و هاوڵاتیانی مەدەنی دەکات".

 

 

ئەوەش هاتبوو:"داواکارین لە سەرجەم لایەنە سیاسییەکانی باشوری کوردستان و ڕێکخراوەکانی کۆمەڵی مەدەنی و هاوڵاتیان و چین و توێژە جیاوازەکانی کوردستان و کوردانی تاراوگە و کونسوڵی نوێنەرایەتی وڵاتان لە هەرێمی کورستان، فشار بخەنە سەر تورکیا و سنوورێک بۆ پێشێلکارییەکانی سوپای تورکیا دابنرێت و ڕێگا نەدرێت سەروەری خاکی کورستان پێشێلبکرێت".

 

هەر لە گردبوونەوەکەدا، ئاشتی محەمەد، ئەندامی ڕێکخراوی ژنانی ئازادی کوردستان، وتارێکی پێشکەشکرد و وتی:"لەهەر شوێنێک دەوڵەتی تورکیان هەبێت تیرۆرست هەیە، لەهەر شوێنێك کوردێکیش هەبێت بەرخۆدان هەیە".

 

 

لە بەشێکی دیکەی گردبوونەوەکەدا، ئەیوب عەبدوڵا، ئەندامی پەرلەمانی هەرێمی کوردستان و سەرۆکی لیژنەی ناوخۆ لە پەرلەمانی هەرێم، قسەیکرد و وتی:"داواکارم لە پەرلەمانی هەرێمی کوردستان، کە بەزووترین کات کۆبوونەوەیەکی بەپەلە لەسەر بارودۆخی عەفرین ڕێکبخات، بۆ ئەو مەبەستە ئێمە وەکو کۆمەڵێک پەرلەمانتار هەستاوین بە کۆکردنەوەی ئیمزا بۆ کۆبوونەوەی بەپەلەی پەرلەمانی هەرێمی کوردستان لەسەر هێرشەکانی سەر عەفرین".

 

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin