Smiley face
Smiley face
Smiley face

پێشمەرگەیەکی زێرەڤانی کۆتایی بە ژیانی هێنا

2018-01-20 15:32:57



ڕۆژنیوز - زاهیر ئیبراهیم

 

پێشمەرگەیەکی فەرماندەیی زێرەڤانی لە لە شارۆچکەی سۆران کۆتایی بە ژیانی هێنا.

 

ئەمرۆ لە شارۆچکەی سۆرانی سەربە پارێزگای هەولێر، (مەحمود هادی هەرکی)، پێشمەگە لە فەرماندەیی زێرەڤانی بەگولـلە کۆتایی بە ژیانی هات.

 

بەپێی زانیارییەکانی ڕۆژنیوز، ئەو پێشمەرگەیە خۆی کۆتایی بە ژیانی خۆی هێناوە، بەڵام تائێستا هۆکاری خۆکوشتنەکەی نەزاندراوە.

 

ڕۆژنیوز پەیوەندییکرد بە هاوار ئەرگۆشی، وتەبێژی پۆلیسی سۆران، بەڵام ناوبراو ڕایگەیاند، کە زانیاریی نییە و هیچ لێدوانێکی نەدا.

 

جێگای ئاماژەیە، لە ئەمساڵدا ئەمە دووەمین حاڵەتی خۆکوشتنی پێشمەرگەیە، کە لە هەرێمی کوردستان ڕوودەدات و ڕۆژی ١٧ی ئەم مانگە، له‌ شارۆچکەی چەمچەماڵ-ی سەر بە پارێزگای سلێمانی، پێشمەرگەیەک به‌ ناوى ئیسماعیل ڕه‌مه‌زان عەزیز، ته‌مه‌ن ٤٨ ساڵ، خۆى خنکاند، دوای پشکنین دەرکەوت، کە تەنیا ٥٠٠ دیناری عێراق-ی لە گیرفانیدایە.

 

بێجگە لەم دوو حاڵەتە، کە هێشتا لە سەرەتای ساڵی نوێداین تۆمارکراوە، ساڵی ڕابردووش چەندین حاڵەتی لەو شێوە تۆمارکراوە.

 

بەپێی ئامارێکی ڕۆژنیوز لە ساڵی نویدا، ئەمە ٢٢ هەمین حاڵەتی کوشتن و خۆکوشتنە، کە لە باشوری کوردستان ڕوویانداوە.

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin