Smiley face
Smiley face
Smiley face

بزوتنەوەی دیموکراتی گەلی کوردستان سەرکۆنەی دەستدرێژییەکانی تورکیا دەکات

2018-01-20 13:23:18



ڕۆژنیوز – ناوەندی هەواڵەکان

 

بزوتنەوەی دیموکراتی گەلی کوردستان، سەرکۆنەی دەستدرێژییەکانی تورکیا بۆسەر ڕۆژئاوای کوردستان دەکات و داوا لە سه‌رجه‌م پارت و لایه‌نه‌ سیاسیه‌کان و چین و توێژه‌کان دەکات، کە به‌گردبوونه‌وه‌ ناڕه‌زایی خۆیان ده‌رببڕن.

 

ئەمڕۆ بزوتنەوەی دیموکراتی گەلی کوردستان ڕاگەیەنداروێکی سەبارەت بە هەواڵەکانی ئاکەپە بۆ داگیرکردنی کانتۆنی عەفرین-ی ڕۆژئاوای کوردستان بڵاوکردەوە.

 

لە ڕاگەیەندراوەکەدا، کە وێنەیەکی بۆ ڕۆژنیوز نێردراوە، هاتووە:"بزوتنه‌وه‌که‌مان به‌تووندیی سه‌رکۆنه‌ی هه‌رجۆره‌ ده‌ستدرێژییه‌ک و هه‌ڕه‌شه‌ی هێرشکردن و تۆپبارانه‌کانی ده‌وڵه‌تی تورکیا بۆ سه‌ر ڕۆژئاوای کوردستان به‌گشتی و عه‌فرین به‌تایبه‌تی ده‌کات و پێمان وایه‌، هیچ جۆره‌ بیانوویه‌ک نابێته‌ مایه‌ی بنه‌مایه‌ک بۆ هێرشکردن".

 

هەروەها، هاتووە:"پێویسته‌ کۆمه‌ڵگه‌ی نێوده‌وڵه‌تی و نه‌ته‌وه‌ یه‌کگرتووه‌کان و ده‌وڵه‌تانی زلهێز، که‌ بوونیان له‌ ناوچه‌که‌ هه‌یه‌ به‌په‌له‌ بێنه‌ ده‌نگ و به‌کردار ڕێ‌ له‌ هێرشه‌کانی تورکیا بگرن".

 

بزوتنەوەکە لە بەردەوامیی ڕاگەیەندراوەکەیدا دەڵێت:"هێرشه‌کانی ده‌وڵه‌تی تورکیا له‌ کاتێکدایه‌ هه‌موولایه‌ک چاوه‌ڕوانی ئه‌وه‌بووین دوای له‌ناوچوونی داعش پرۆسه‌ی ئاوه‌دانی و بنه‌مای ڕێزگرتنی دراوسێیه‌تی ببنه‌ فاکته‌ری چاره‌سه‌ری کێشه‌کان، به‌ڵام ئه‌م هێرشانه‌ی ده‌وڵه‌تی تورکیا دۆخی ناوچه‌که‌ ده‌خاته‌ به‌رده‌م ئاڵۆزیه‌کی ناله‌بار".

 

بزوتنەوەی دیموکراتی گەلی کوردستان لە کۆتایی ڕاگەیەندراوەکەیدا، داوا لە سه‌رجه‌م پارت و لایه‌نه‌ سیاسییه‌کان و چین و توێژه‌کان دەکات، کە به‌گردبوونه‌وه‌ ناڕه‌زایی خۆیان ده‌رببڕن.

 

وەک لە پەیڕەو و پرۆگرامی بزوتنەوەکەدا هاتووە "بزوتنەوەی دیموکراتی گەلی کوردستان، لە ساڵی ١٩٩٥ دامەزراوە و  هێزێکی سیاسیی، دیموکراتیی، جەماوەریی، پێشکەوتنخوازە و لە پێناو بەدیهێنانی مافە ڕەواکانی گەلی کوردستان تێدەکۆشێت".

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin