Smiley face
Smiley face
Smiley face

زنانە، چوار هاوڵاتى کورد لەلایەن هێزە نەناسراوەکەوە دەستگیرکران

2018-01-20 11:35:49



ڕۆژنیوز ـ هاوڕێ کرێکار

 

فەرماندەیەکى پێشمەرگە لە شارەدێی زنانە، ڕایدەگەیەنێت، ژمارەیەک هاوڵاتى کورد لە لایەن هێزە نەناسراوەکەوە دەستگیرکراون و تا ئێستا هیچ هەواڵێکیان نییە.

 

لە ئێوارەى دوێنێەوە، ژمارەیەک کاسبکاری دانیشتووى شارۆچکەى کفری، لە سنوری شارەدێی زنانەى سەر بە ئیدارەى گەرمیان دەستگیرکراون و یەکێکیان ئازاد کراوەو ئەوانىتر بێ سەروشوێنن.

 

محەمەد چەوری، فەرماندەى پێشمەرگە لەشارەدێی زنانە، بە ڕۆژنیوزی ڕاگەیاند: لەماوەى ڕابردوودا لە نێوان گوندی غەڕە و دوڕاجی، فڕۆکە لە کاروانێکى ئۆتۆمبیلی هێزە نەناسراوەکەیدا و بەرپرسێک و دوو کەسیانى کوشتوە، ژمارەیەک ئۆتۆمبیل لەو شوێنە بەجێی ماون بەتێکشکێنراوی، چوار هاوڵاتى  کوردی شارۆچکەى کفری ڕۆیشتونەتە سنوری ئەو گوندانەى هێزە نەناسراوەکە (هێزە سپیەکە)ى سنوری زنانەى لێیە و دەستگیرکراون.

 

 

محەمەد چەوری، وتیشی: ئەو هاوڵاتیانە بۆ کۆکردنەوەى ئاسن بۆ فرۆشتن ڕۆیشتونەتە ئەو شوێنە و یەکێک لەو کاسبکارانە، ژنێک بووە و لەلایەن ئەو هێزەى دەستگیرکراون ئازاد کراوە، بەڵام تا ئێستا هەواڵی ئەو سێ کەسەکەى تر نییە.

 

هەروەها، ناوبراو باسی لەوەشکرد، هاوڵاتییەکان زانیوانە ئەو شوێنەى ئاسنى لێ کۆ ئەکەنەوە، نزیکە لە ناوچەى  هێزە نەناسراوەکە.

 

بە پێی زانیارییەکانى ڕۆژنیوز، ئەو سێ کاسبکارەى خەڵکى کفری، کە دەستگیرکراون، ناویان بریتیە لە: محەمەد حەسەن ، شوانە کەریم، هەردی عەلی.

 

هێزە نەناسراوەکە، هێزێکی سەربازین و لە نزیک شارەدێی زنانە لە سنووری گەرمیان جێگیربوون، تا ئێستا ڕوون نییە سەر بە چ لایەنێکن و بۆچی لەو سنوورەن، بەڵام چاودێران و بەرپرسانی سنوورەکە دەڵێن، کە پاشماوەی چەتەکانی داعشن، ئەوە هێزەش لە دوای ڕووداوەکانی ١٦ی ئۆکتۆبەرەوە دروستبوون.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin