Smiley face
Smiley face
Smiley face

داوادەکرێت مانگرتنی مەودادرێژ ئەنجام بدرێت

2018-01-20 11:31:35



ڕۆژنیوز ـ هاوڕێ کرێکار

 

بەشێک لە هاوڵاتیان پێیانوایە، کە تورکیا لە کەسایەتیی ئۆجالاندا دەیەوێت تەواوی گەلی کورد گۆشەگیر بکات، بانگەوازییش دەکەن بۆ مانگرتنی سەرتاسەریی و مەودا درێژ بۆ ئازادیی ئۆجالان.

 

بە شێک لە چینوتوێژە جیاجیاکانى گەرمیان لە لێدوانیاندا بۆ ڕۆژنیوز باس لە گرنگیی ئازادکردنی عەبدوڵا ئۆجالان، ڕێبەری پارتی کریکارانی کوردستان و هەوڵەکان بۆ ئازادیی ئەو ڕێبەرە دەکات.

 

لاوان ئەحمەد، ڕۆژنامەنووس، پێیوایە، کە ئازادکردنی ئۆجالان بۆ یەکڕیزیی کورد و بەرەوپێشبردنی دۆزەکەی و بەرقەراربوونى ئاشتی و یەکخستنی ناو ماڵی کورد زۆر گرنگە و وتی: ئۆجالان خاوەن کەسایەتی کارێزمایە و دەتوانێت جیاوازییەکان لەیەک نزیک بکاتەوە و پەرە بە خاڵە هاوبەشەکان بدات.

 

لاوان ئەحمەد

 

سەریاس سەمین، مامۆستای ئامادەییە و گۆشەگیرکردنی ئۆجالان-ی بە گۆشەگیرکردنی گەلی کورد بەگشتیی ناوبرد و وتی:"لە مێژوودا  نموونەمان هەیە، کە هەوڵدراوە پرسە نەتەوەییەکان بە دەستبەسەری سەرکردە و کوشتنی سەرکردەی کارێزما بیرببرێنەو".

 

سەریاس سەمین

 

سەریاس سەمین، پێشیوابوو، کە هەوڵەکانی دەوڵەتی تورک بێ ئاکامە و وتی: کورد سورە لەسەر دەستخستنی ماف و ئاازدییەکانی.  

 

سالار جەلال، چالاکێکى کۆمەڵێ مەدەنیـ یە و وتى: پێویسته‌  هه‌موو تاکێکی کورد له ‌هه‌ر پارچه‌یه‌کی کوردستان و هەموو حزبەکان بەبێ جیاوازى ئینتیماى سیاسیی بێنە سەر شەقام و خۆپیشاندان ومانگرتنى مەودا درێژ ئەنجام بدەن و فشار دروستکەن بۆ ئازادکردنی ئۆجالان.

 

سالار جەلال

 

سالار جەلال، وتیشی: پێویستە حکومەتى هەرێمی کوردستان وەک فشارێک بۆ ئازادیی ئۆجالان لەسەر تورکیا، سەرجەم کارە بازرگانییەکانی لەگەڵ تورکیا ڕابگرێت.


له‌ ڕۆژی ٩ی ئۆکتۆبه‌ری ساڵی ١٩٩٨، گه‌له‌کۆمه‌ی نێوده‌وڵه‌تیی بۆ ده‌ستگیرکردنی عه‌بدوڵا ئۆجالان، ڕێبه‌ری پارتی کرێکارانی کوردستان -په‌که‌که‌‌ ده‌ستیپێکرد، دواتر له‌ ١٥ی شوباتی ساڵی ١٩٩٩، ئۆجالان له‌ شاری نایرۆبی پایته‌ختی وڵاتی کینا ڕفێنرا و ڕاده‌ستی ده‌وڵه‌تی تورک کرا و خرایه‌ زیندانی ئیمراڵی-یه‌وه‌.


 
له‌ ٥ى نیسانى ٢٠١٥شه‌وه‌ ده‌وڵه‌تی تورک گۆشه‌گیریی خستووته‌ سه‌ر ئۆجالان و له‌و ماوه‌یه‌دا ته‌نیا یه‌ک جار و له‌ ١١/٩/٢٠١٦ محه‌مه‌د ئۆجالان-ی برای سه‌ردانی ئیمراڵی کردووه‌ و چاوی پێیکه‌وتووه‌، له‌ دوای ئه‌و سه‌ردانه‌شه‌وه‌ هه‌تا ئێستا هیچ زانیارییه‌ک له‌سه‌ر ڕه‌وشی ئۆجالان نییه‌ و هیچ په‌یامێکی ئۆجالان نه‌گه‌یشتووه‌ته‌ ده‌ره‌وه‌ی زیندان.

 

ش.ف

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin