Smiley face
Smiley face
Smiley face

چالاکوانانی ژینگەیی لە وەرزی بەفر باریندا خۆراک بۆ باڵندەکان دادەنێن

2018-01-19 14:04:56



ڕۆژنیوزـ هاوڕێ و بۆتان 

 

چالاکوانانی ژینگەیی لە وەرزی بەفر باریندا خۆراک بۆ باڵندەکان دادەنێن، چالاکوانێکیش داوا لە هاوڵاتیان دەکات دانەوێڵە و خۆراکە زیادەکانیان لەسەر بانەکان دابنێن بۆ ئەوەى ئاژەڵەکان وباڵندەکان سودی لێ ببینن، لە وەرزی بەفرباریندا. 

ساڵانە لە کاتى بەفر باریندا، ئەو ناوچەى شەپۆلەکانى بەفربارین دەیگرێتەوە، دەسخستنى خۆراک و دانەویڵە بۆ باڵندە و ئاژەڵە کێوییەکان ئەستەم دەبێت و باڵندەکان ناتوانن خواردن بۆ خۆیان دەسەتەبەر بکەن. 

 


بیلال حەیدەر، چالاکوانی ژینگەیی، ئەندامی ڕێکخراوى سروشتى کوردستان، بۆ ڕۆژنیوز وتى: وەک ڕێکخراوەکەمان لە ساڵانی ڕابردوو، هەستاوین بەدانانی خواردن بۆ باڵندە و ئاژەڵە کێیویەکان و ئەمساڵیش دیسانەوە ئەو کارە دەکەین، چونکە ئاشکرایە شەپۆلێکی بەفربارین بەشێک لە ناوچەکانی هەرێمی کوردستانی گرتووەتەوە، دەستخستنی خۆراک و دانەوێڵە لەلایەن باڵندە و ئاژەڵە کێوییەکان ئەستەم دەبێت.

 

 

ئەوەشی وت: داواکارین لە هاوڵاتیان و دانیشتوانی ئەو ناوچانەی کە شەپۆلی بەفربارین گرتووەیەتیەوە، ئەو دانەوێڵە و خۆراکانەی لێیان زیادەیە، لەسەر بانی خانوەکانیان یان لەسەر چیا و بەرد و پەڵەڕەشەکان دایبنێن، بۆ ئەوەی باڵندە و ئاژەڵەکان سودی لێوەربگرن.

ئەندامەکەی ڕێکخراوی سروشتی کوردستان، ئاماژەی بەوەش دا، وەک ڕێکخراوی سروشتى کوردستان، پێمانوایە، ئەم کارە لە پێناو پاراستن و مانەوەی ئاژەڵ و باڵندەکان بکرێت زۆر گرنگە و نیشانەى دڵسۆزى مرۆڤەکان بۆ ژینگە و پاراستنى گیانى گیانلەبەرەکان دەردەخات.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin