Smiley face
Smiley face
Smiley face

تورکمانێکی شیعە کرایە قائیمقامی خورماتوو

2018-01-18 18:01:05



ڕۆژنیوز - هاوڕێ کرێکار

 

بەبێ بەشداریی کورد، ئەنجومەنی شارۆچکەی خورماتوو تورکمانێکی شیعەی بەناوی حەسەن زین ئەلعابدین وەک قائیمقامی شارۆچکەکە دیاریکرد.

 

ئەمڕۆ، لە کۆبوونەوەی ئاسایی خۆیدا، بەبێ بەشداربوونی کورد، ئەنجومەنی شارۆچکەی خورماتووی سەر بە پارێزگای سەڵاحەدین، قائیمقامی نوێی شارۆچکەکەی دیاریکرد.

 

عەلی حوسین ئەلهاشمی، ئەندامی تورکمانی ئەنجومەنی شارۆچکەی خورماتوو، بۆ ڕۆژنیوز وتی: هەفتەی ڕابردوو ئەنجومەنی شارۆچکەی خورماتوو بەبڕیاری ئەندامانی  تورکمان و عەرەب و بەبێ ئامادەبوونی کورد، بە زۆرینەی دەنگ بڕیاری دوورخستنەوەی شەلال عەبدول، قائیمقامی پێشوویدا.

 

عەلی حوسێن، وتیشی: لە کۆبوونەوەی ئەنجومەندا، بڕیاردرا قائیمقامی نوێ هەڵبژێردرێت، ١٢ ئەندامی ئەنجومەن لە عەرەب و تورکمان ئامادەی کۆبوونەوەکەبوون بەبێ کورد، شەش کەس لە هەردوو نەتەوەی تورکمان و عەرەب خۆیان کاندید کرد، بە دەنگی هەموو ئەندامانی ئامادەبووی کۆبوونەوەکە، حەسەن زەین ئەلعابدین بۆ پۆستی قائیمقامی نوێی شارۆچکەی خورماتوو هەڵبژێردرا.

 

ئەو ئەندامەی ئەنجومەنی شارۆچکەی خورماتوو، ئاماژەی بەوەشکرد: لە سەرەتای هەفتەی داهاتووەوە، قائیمقامی نوێی دەست بە ڕێکارە یاساییەکان دەکات و دواتر بە فەرمی دەوامی ئاسایی خۆی دەستپێدەکات، ئەو قائیمقامەی ئێستاش بەوەکالەت دانرابوو، ڕاستەوخۆ دەگەڕێتەوە بۆ پۆستی خۆی، کە بەڕێوبەری شارەدێی عەلەم-ی سەر بە پارێزگای سەڵاحەدینە.

 

بە پێی زانیارییەکانی ڕۆژنیوز، حەسەن زەین ئەلعابدین، تورکمانێکی شیعە مەزهەبەی دانیشتووی شارۆچکەی خورماتووە، لەدوای ١٦ی ئۆکتۆبەری ساڵی ڕابردووەوە، حەشدی تورکمانی ڕاستەوخۆ بۆ پۆستی قائیمقامی خورماتوو کاندیدی کرد.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin