Smiley face
Smiley face
Smiley face

بی بی سی: تورکیا لە شەڕی عەفریندا ڕاستەوخۆ دەبێت لەگەڵ ئەمریکا شەڕبکات

2018-01-18 14:45:51



ڕۆژنیوز - ناوەندی هەواڵەکان

 

تەلەفزیۆنی بی بی سی بەریتانی، سەبارەت بە هێرشی تورکیا بۆ سەر عەفرین ڕایگەیاند، کە تورکیا بۆ شەڕی عەفرین دەبێت ڕاستەوخۆ لەگەڵ ئەمریکا بکەوێتە ناو شەڕەوە.

 

هێرشی تورکیا بۆ سەر کانتۆنی عەفرینی باکوری سوریا بووەتە ڕۆژەڤی ڕاگەیاندنە جیهانییەکان، لەو چوارچێوەیەدا تەلەفیزیۆنی بی بی سی بەریتانی ئەنالیزێکی بڵاوکردەوە.

 

لە ئەنالیزی بی بی سی دا باس لەوە کرا، کە بۆچی ئۆپەراسیۆنی عەفرین بۆ تورکیا گرنگە؟، ئەویش ئۆپەراسیۆنێک کە ناکۆکی دەخاتە ناو وڵاتانی ناتۆوە و هەروەها پەیوەندییەکانی تورکیا بە ڕوسیاش تێکدەدات.

 

هەروەها، باس لەوەکرا، کە ئێستا کۆنتڕۆڵی ئۆپەراسیۆنە ئاسمانییەکان لە عەفرین لە دەستی ڕوسیادایە، بەبێ رێگەپێدانی ڕوسیا ئاستەمە کە تورکیا بتوانێت ئۆپەراسیۆنی ئاسمانی لە عەفریندا ئەنجام بدات، ئەگەر ڕوسیا ئەو ئیجازەیە بداتە تورکیا، ئەوە تورکیا و ڕوسیا لە یەک نزیک دەبنەوە پەیوەندییەکانی تورکیا بە وڵاتانی ڕۆژئاواوە بەتەواوی تێکدەچێت.

 

سەبارەت بە ئەمریکا-ش، وترا، کە تورکیا بۆ شەڕی عەفرین دەبێت ڕاستەوخۆ لەگەڵ ئەمریکا بکەوێتە ناو شەڕەوە.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin