Smiley face
Smiley face
Smiley face

یەپەژە: تورکیا بە دەستی خۆی گۆڕ بۆخۆی هەڵدەکەنێت

2018-01-18 14:45:05



ڕۆژنیوز - ناوەندی هەواڵەکان

 

سۆسن بیرهات، یەکێک لە فەرماندەکانی یەکینەکانی پاراستنی ژن- یەپەژە دەڵێت، کە تورکیا بە دەستی خۆی گۆڕ بۆخۆی هەڵدەکەنێت.

 

ئەو فەرماندەیەی یەپەژە سەبارەت بە هێرشی تورکیا بۆ سەر عەفرین بۆ ئاژانسی هەواڵی هاوار قسەیکردووە و باسی لەوە کردووە، کە حکومەتی تورک لە ترسی ئەوەی گەلانی تورکیا وەک گەلانی ئێران لە دژی حکومەت ڕاپەڕن ئاگری شەڕ هەڵدەگیرسێنێت.

 

سۆسن بیرهات دەڵێت: حکومەتی تورک بەمەبەستی شاردنەوەی ئاڵۆزییەکانی ناوخۆی تورکیا هەوڵدەدات لە دەرەوەی سنوورەکانی شەڕ دروستبکات، لەلایەکی دیکەوە پاش سەرهەڵدانی گەلانی ئێران لە دژی حکومەت، ئەو ترسە کەوتووەتە دڵی حکومەتی تورکیشەوە، بۆیە دەیەوێت شەڕێک لە عەفرین هەڵبگیرسێنێت.

 

دەشڵێت: سیاسەتەکانی ئەردۆغان گەیشتووەتە ئاستی خۆکوشتن، هێرش بۆ سەر عەفرین بەرزترین ئاستی ئەو سیاسەتە هەڵانەیە، تورکیا بە هێرش بۆ سەر عەفرین بە دەستی خۆی گۆڕ بۆخۆی هەڵدەکەنێت.

 

سۆسن بیرهات لە بەردەوامی قسەکانیدا، وتی: شەڕڤانەکانمان لە بەرزترین ئاستی ئامادەیی، ئەزموون و هێزیان-دان و بە هەموو جۆرەکان بەرگری دەکەن لە عەفرین.

 

لە کۆتاییشدا وتی: لە عەفرین بەرخۆدانێکی مێژوویی ڕوودەدات، هێزەکانمان لەوە ناترسن، بەرخۆدانی گەلانی عەفرین وشەڕڤانەکانمان ئەنجامی زۆر باشی بەدوادەبێت.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin