Smiley face
Smiley face
Smiley face

هێزی بەرگری زیاتر ڕەوانەی منبیج کرا

2018-01-18 14:21:56



رۆژنیوز - ناوەندی هەواڵەکان

 

پاش هەڕەشەکانی ئەردۆغان، ئەنجومەنی سەربازیی منبیج هێزەکانی بەرگری لە سنوورەکانی باکوری ئەو کانتۆنە زیاد دەکات.

 

ئەمرۆ، ئەنجومەنی سەربازیی منبیج لە سەر ماڵپەڕی فەرمییدا ڕایگەیاند، کە هێزەکانی بەرگری لە سنوورەکانی باکوری ئەو کانتۆنەدا زیاددەکەن و ڕاگەیەندراوێکی لەم باریەوە بڵاوکردووەتەوە.

 

لە ڕاگەیەندراوی ئەنجومەنی سەربازیی منبیج دا هاتووە: پاش هێرشی سوپای تورک و چەتەکانی قەڵغانی فورات بۆ سەر عەفرین و منبیج، ئێمە وەک ئەنجومەنی سەربازیی منبیج هێزەکانمان لە لایەنی باکور و باکوری ڕۆژئاوای منبیج زیاددەکەین، ئەو ناوچانە لە ناو ناوچەکانی هاوپەیمانیی ئاگربەست دا دیاریکراون، بەڵام حکومەتی تورک بەنیازە ئەو هاوپەیمانییە بشکێنێت.

 

هەر ئەمڕۆ ئەنجومەنی سەربازیی منبیج هێزێکی زۆری ڕەوانەی باکوری منبیج کردووە و ڕاشیگەیاندووە، کە بە هەموو جۆرەکان ئامادەن بەرگری لە منبیج بکەن.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin