Smiley face
Smiley face
Smiley face

بەڕێوبەرانی دوو پارتیی سۆسیالیست لە تورکیا دەستگیر کران

2018-01-18 11:01:43



ڕۆژنیوز - ناوەندی هەواڵەکان

 

هێزەکانی پۆلیسی تورک، هەڵیانکوتایە سەر ماڵی بەڕێوبەرانی پارتیی سۆسیالیستی بندەستان و کۆمەڵەی گەنجانی سۆسیالیست و دەستگیریان کردن.

 

سەرلەبەیانیی ئەمڕۆ، پۆلیسی تورک لە ئیزمیر، ئەستەنبوڵ، ئەنقەرە و ئانتاکیا ئۆپەراسیۆنێکیان ئەنجام دا و چەند بەڕێوبەری پارتیی سۆسیالیستی بندەستان و کۆمەڵەی گەنجانی سۆسیالیستیان دەستگیر کرد.

 

لە ئەنجامی ئەو ئۆپەراسیۆنەدا سوات چۆرلو، ئەندامی دەستەی ناوەندیی بەڕێوبەرایەتیی پارتیی سۆسیالیستی بندەستان لە ئەستەنبوڵ و باژێر دیدار گول، سەرۆکی لقی ئەنقەرەی پارتی سۆسیالیستی بندەستان و هاجەر ئاتاهان، یەکێک لە بەڕێوبەرانی ئەو پارتییە لە ئانتاکیا دەستگیر کران.

 

هەروەها لە ئیزمیریش، ئالەڤ ئۆزکیراز و عەلی یەلمازەر، دووان لە ئەندامی کۆمەڵەی گەنجانی سۆسیالیست دەستگیر کران.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin