Smiley face
Smiley face
Smiley face

قەڵادزێ، گەنجێک بە مۆبایل هاوشێوەی ئۆرگ مۆسیقا دەژەنێت

2018-01-18 09:41:42



ڕۆژنیوز- عەلی قادر

 

گەنجێکی شارۆچکەی قەڵادزێ بەشێوەیەکی سەر سوڕهێنەر بە مۆبایل مۆسیقا دەژەنێت.

 

لە سیستمی ئەندرۆید-دا بەرنامەیەک بەردەستە، کە هاوشێوەی ئامێری ئۆڕگی ڕاستە قینە کاردەکات، ئەمەش ژمارەیەکی زۆر لە گەنجانی بەخۆیەوە سەر قاڵ کردوە و دەتوانرێت سەرجەم ئاواز و گۆرانیەکی پێ بژەندرێت.

 

مەحەمەد عەلی، ناسراو بە (حەمە مان)، یەکێک لەو گەنجانەیە و تەمەنی ٢٣ ساڵە و خەڵکی شارۆچکەی قەڵادزێ-ی سەر بەئیدارەی ڕاپەڕینە، کە بەشێوەیەکی سەرسوڕهێنەر لە ڕێگای مۆبایلەکەیەوە ئاواز دەژەنێت.

 

 

محەمەد عەلی، نزیکەی دوو ساڵە ڕۆژانە لەگەڵ کاری دوکانداریی، لەسەر مۆبایلەکەی پرۆڤە دەکات.

 

محەمەد، تا ئێستا بەشداریی هیچ خولێکی تایبەت بە فێربوونی ئامێری ئۆرگی نەکردووە، بەڵام هونەر و بەتایبەت ژەنینی ئۆرگ، بووەتە خولیای،  بۆیە لە ڕێگای مۆبایلەکەیەوە دەستی بە ژەنین کرد و ڕۆژانە گەنجێکی زۆر لە دەوری کۆدەبنەوە، کە لەناویاندا هونەرمەند هەیە و ئەویش ئاوازیکی خۆش دەدات بە گوێیاندا.

 

 

ئەو گەنجە، تەنیا بە ژەنین دڵی هاوتەمەنەکانی خۆش ناکات، بەڵکو بەپێی توانا هاوکارییان دەکات بۆ فێربوونیش.

 

مەحەمەد عەلی، لە لێدوانێکیدا بۆ ڕۆژنیوز ڕەخنەی لەکەم تەرخەمی حکومەت گرت و وتی:"بەهۆی نەبوونی سەنتەرێکی تایبەت بەگەنجان و نەبونی ئامێری میوزیک نەمانتوانیوە وەک پێویست پەرە بە بەتواناکانمان بدەین".

 

 

بەهێز حسێن، یەکێک لە هاوڕێکانی محەمەد-ە و لەبارەی محەمەد-ەوە بە ڕۆژنیوزی وت:"گەنجێکی بەتوانایە و من شانازیی پێوەدەکەم".

 

 

بەهێز، داواشی لە حکومەتی هەرێم کرد، کە دەستی ئەو گەنجانە بگرن و هاوکارییان بکەن، چونکە جێگای هیوان بۆ ئایندەی وڵاتەکەمان.

 

بۆبینینی ڤیدیۆکە لێرە کلیک بکە..

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin