Smiley face
Smiley face
Smiley face

یەپەگە: خەیاڵیان خاوە و عەفرین درێژەی کۆبانێ یە

2018-01-17 11:15:28



ڕۆژنیوز - ناوەندی هەواڵەکان

 

نووری مەحموود، وتەبێژی یەکینەکانی پاراستنی گەل وەڵامی هەڕەشەکانی ئەردۆغانی دایەوە و وتی، خەیاڵتان خاوە، عەفرین درێژەی کۆبانێ یە.

 

نووری مەحمود سەبارەت بە هەڕەشەکانی ئەردۆغان بۆ هێرشکردنە سەر عەفرین لێدوانێکی بۆ ئاژانسی هەواڵی فورات داوە و ڕایگەیاندووە، عەفرین بۆ گەلان جیهان لە هەمان پێگەی کۆبانێ دایە و بۆ پاراستنی تێدەکۆشین، چونکە عەفرین بەتەنیا نییە.

 

وتەبێژی یەپەگە وتی: عەفرین بچوک نییە و هێزەکانمان بۆ بەرگری لە هەموو خاڵەکانی ڕێکخستووە، ئەگەر سوپای تورک پێیوایە، کە دەتوانێت بە هەفتەیەک بێتە ناو عەفرینەوە ئەوە خەیاڵی خاوە، گەلانی تورکیا بۆ دژایەتی تیرۆریزم پشتگیریی زۆری سەرێکانیێ و کۆبانێیان کرد، دڵنیاین لە بارەی عەفرینیشەو پشتگیریمان دەکەن.

 

لە بەشێکی دیکەی قسەکانی دا وتی: باکوری سوریا و عەفرین هیوای گەلانی سوریان، ئەوانەی ئەمڕۆ بەرگری لە عەفررین دەکەن، هەر ئەو شەڕڤانانەن کە کۆبانێیان لە چنگی تیرۆری نێودەوڵەتی ڕزگار کرد، ئەو شەڕڤانانەی بەرگری لە عەفرین دەکەن لە پاریس، مۆسکۆ، نیویۆرک، قاهرە، ئەنقەرە و ئەستەنبوڵەوە هاتوون.

 

نووری مەحموود وتیشی: ئەوەی ئەردۆغان باسی دەکات لە بیانوویەک زیاتر نییە، پرسی ئەردۆغان هەبوونی سوپای کورد نییە لە باکوری سوریا، چونکە ئەوە هەر هەبووە، هێزەکانی سوریای دیموکرات و یەپەگە بەردەوام لەو سنوورانە بوون و بەرگرییان لە گەلانی باکوری سوریا کردووە، هیچ شتێکی تازە ڕووی نەداوە، بۆیە قسەکانی ئەردۆغان تەنیا بەهانەن بۆ هێرش نەک شتی دیکە.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin