Smiley face
Smiley face
Smiley face

هێرش کرایە سەر مانگرتنی کرێکاران لە ئێران

2018-01-16 15:33:16



ڕۆژنیوز - ناوەندی هەواڵەکان

 

کرێکارانی کارگەی گەورەی قامیشی شەکری هەفت تەپەی خوزستانی ئێران، لە دوێنێوە مانگرتن لە کارکردنی گشتییان ڕاگەیاندووە، ئەمڕۆ هێرش کرایە سەر یەکێک لە ڕێکخەرانی مانگرتنەکە.

 

سەندیکای کرێکارانی هەفت تەپەی پارێزگای خوزستان لە دوێنێووە تا ڕۆژی هەینی مانگرتن لە کاریان ڕاگەیاندووە و وتووشیانە، ئەگەر تا ڕۆژی هەینی داواکارییەکانیان جێبەجێ نەکرێت دەست بە سەر بەڕێوبەرایەتیی کارگەی گەورەی قامیشی شەکری هەفت تەپەدا دەگرن.

 

دوێنێ ئیسماعیل بەخشی وتاری دەستپێکردنی مانگرتن لە کاری پێشکەشی کرێکارانی کارگەکە کردبوو ڕایگەیاندبوو، کە ئەو بەرپرسانەی بە ئێمە دەڵێن زبڵ، بۆخۆیان زبڵن و لە دەستی بۆگەنی ئەوانە کە ئێمە بەم شێوەیە ڕژاوینەتە دەرەوەی کارگەکان.

 

ئەمڕۆ چەند کەسێکی نەناسراو کە بە دەمامک دەموچاویان داپۆشیوە، هێرشیان کردە سەر مانگرتنەکە و لە ئیسماعیل بەخشیان دا و ڕایان کرد، شانی ئیسماعیل بەخشی برینداربووە.

 

جێگای ئاماژەیە، کە مانگرتن لە کارکردنی کرێکارانی ئەو کارگەیە بەردەوامە و بەپێی ڕاگەیەندراوی خۆیان، تا ڕۆژی هەینی بەردەوام دەبن لە مانگرتنەدا.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin