Smiley face
Smiley face
Smiley face

لە کەرکوک و خورماتوو ١٨٠‬‬‬‬ رۆژنامەنووس پێشێلکاریان بەرامبەرکراوە

2018-01-16 12:52:12



ڕۆژنیوز - قەرەچوغ ئەنوەر

 

ڕێکخراوێکی کۆمەڵی مەدەنی ئاماری پێشێلکارییەکانی بەرامبەر بە رۆژنامەنووسان لە دوای رووداوەکانی ١٦ی ئۆکتۆبەری ٢٠١٧ لە کەرکوک و خورماتوو بڵاوکردەوە، کە بریتین لە سوتاندن و تاڵانکردنی بارەگای کەناڵە میدیاییەکان و ھەڕەشە و سکاڵا کردن لە رۆژنامەنوسانی ئەو سنوورە.

 

ئەمڕۆ لە کۆنگریەکی رۆژنامەنووسیدا لوقمان شێروانی، بەڕێوەبەری رێکخراوی نیو میدیا لە شاری هەولێر، ئاماری پێشلکاریی بەرامبەر ڕۆژنامەنووسانی کەرکوک و خوورماتوو خستەڕوو.

 

لوقمان شێروانی رایگەیاند، لە دوای رووداوەکانی ١٦ی ئۆکتۆبەرەوە‬‬‬‬‬‬ ژمارەیەکی زۆر لە ڕۆژنامەنووسان و کەناڵەکانی ڕاگەیاند پێشێلکارییان بەرامبەر کراوە، کە بریتین لە سوتاندن و تاڵانکردنی بارەگای کەناڵە میدیاییەکان و ھەرەشە و سکاڵا کردن لە رۆژنامەنووسانی ئەو سنوورە.

 

وتیشی: بەپێی ئەو ئامارانەی لە ڕاپۆرتی رێکخراوەکەمان تۆمارکراوە، لە ماوەی سێ مانگدا لە ١٦/١٠/٢٠١٧ تا ١٦/١/٢٠١٨، لە کۆی ١١ کەناڵی میدیایی و نوسینگەی کەناڵەکان، ٦٠ ڕۆژنامەنووس و ٤٠ کارمەند، ئێستا بەھۆی ئەو بارودۆخەوە ھەموویان ئاوارەبوون و شوێنەکانی خۆیان جێھێشتووە، ئەویش بەھۆی بوونی مەترسی و ھەڕەشە لەسەر ژیانیان.

 

ئاماژەی بەوەشکرد: جگە لەمەش بەشێکیان سکاڵایان لە سەر تۆمارکراوە بە تۆمەتی بەشدارکردن لە ریفراندۆمی ٢٥ی٩ی ‭‭‭‭‭‭٢٠١٧‬‬‬‬‬‬.

 

ناوبراو باسی لەوەشکرد، کە لە کۆی ئەو ١١ کەناڵەی کە لە شارۆچکەی خورماتوو کاریان کردووە بە شێکی زۆریان تاڵان کراون و سوتێندراون و تەقێندراوەنەتەوە و سەرجەمی رۆژنامەنووسەکانیشان ماڵەکانیان تاڵانکراوە و سوتێندراوە.

 

سەبارەت بە شاری کەرکوک-یش، وتی ٧٩ رۆژنامەنووس لە ١٣ کەناڵی جیای میدیاییەوە مەترسیان لە سەرەو ناتوانن لە ئێستادا بگەڕێنەوە ئەو شارە بۆ راپەراندنی کاری رۆژنامەنوسی.

 

ئەوەشی خستەڕوو، کە بەشێکی نوسینگە و بارەگای ئەو کەناڵ و راگەیاندنانە تاڵان کراون و رۆژنامەنووسەکانی ئاوارە بوون و سکاڵایان لە سەر تۆمارکراوە.

 

لوقمان شێروانی ئاماژەی بەوەشکرد، کە رۆژنامەنووسێک تیرۆرکراوە و ھەوڵی تیرۆرکردنیش ھەبووە لە سەر رۆژنامەنوسێک.

 

بە پێی راپۆرتەکەی رێکخراوی نیو میدیا، کۆی گشتی ئەو ڕۆژنامەنووسانەی کە پێشێلکاریان بەرامبەرکراوە و ھەرەشە و مەترسیان لەسەرە لە سنوری کەرکوک و خورماتوو ‭‭‭‭١٨٠‬‬‬‬ ڕۆژنامەنووسن.

 

رێکخراوی نیو میدیا، ڕێکخراوی ناحکومییە و لەبواری میدیادا کاردەکات و بارەگای سەرەکی لەشاری ھەولێرە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin