Smiley face
Smiley face
Smiley face

بڕی داهاتی ساڵی ڕابردووی مەرزی باشماخ ئاشكراكرا

2018-01-15 12:54:02



ڕۆژنیوز- هاوكار مستەفا

 

سەرپەرشتیاری مەرزی نێودەوڵەتی باشماخ، ئاماری و خەرجی و داهاتەكانی ساڵی ڕابردووی مەرزەکەی ئاشکراکرد و بەپێی ئامارەکە، داهاتی ساڵی ٢٠١٧ ی مەرزی باشماخ، بەراورد بە ساڵی ٢٠١٦، %٤٠ زیادیکردووە.

 

پێش نیوەڕۆی ئەمڕۆ، لە مەرزی نێودەوڵەتیی باشماخ، بە ئامادەبوونی بەرپرسانی ئیداری و كارمەندانی پەیوەندار بە مەرزەكە، لە كۆنگرەیەكی ڕۆژنامەنووسیدا، ئامارەكانی ساڵی ڕابردووی مەرزیەکە خرایەڕوو.

 

لە كۆنگرە ڕۆژنامەنووسییەكەدا، ئەزوەر مەحمود، سەرپەرشتیاری مەرزی نێودەوڵەتی باشماخ، وتی:"لەساڵی ڕابردوودا ٨ هەزار و ٣٠٤ ئۆتۆمبێلی بارهەڵگر ڕۆیشتوونەتە ئێران، لەبەرامبەردا ٣٢١ هەزار و ٨٥٥ ئۆتۆمبێلی بارهەڵگر هاتوونەتە هەرێم، هەروەها ١٧هەزار و ٣٥٨ تانکەری گواستنەوەی سووتەمەنی هاتوونەتە هەرێم، کە لەو ژمارەیە ٥٠٨ تانکەریان سووتەمەنی نەگونجاویان هێناوە و گەڕێنراونەتەوە".

 

 

ئەوەشی خستەڕوو، لەساڵی ڕابردوودا بڕی ٤٠٣ هەزار تۆن و٢٢٧ کیلۆ خواردەمەنی لە هەموو جۆرەکان هاوردەکراوە، بەم ڕێژەیەش بە بەراورد بە ساڵی ٢٠١٦ %٢١ کەمیکردووە.

 

لەبارەی ڕێژەی هاتن و چوونی گەشتیارانیشەوە، ئەزوەر مەحمود ئەوەی وت:"لەساڵی ڕابردوودا ٢٨٩ هەزار و٩٦٨  گەشتیار لە مەرزی باشماخەوە هاتوونەتە هەرێم، لەبەرامبەردا ٢٧٤ هەزار و ٦٢٨ گەشتیار چوونەتە ئێران،

 

سەرپەرشتیاری مەرزی نێودەوڵەتی باشماخ، داهاتی ساڵی ڕابردووی مەرزەکەشی ئاشکراکرد، کە بریتیبووە لە زیاتر لە ٢٧٣ ملیار و ٦٦٨ ملیۆن دینار.

 

لەکۆتایی کۆنگرە ڕۆژنامەنووسییەکەدا، سەرپەشتیاری مەرزی باشماخ ئەوەی وت:"بە بەراورد بە ساڵی ٢٠١٦  داهاتی مەرزەکە بەڕێژەی لە %٤٠ زیادیکردووە، هەروەها هاتنی گەشتیاران بەڕێژەی %١ زیادیکردووە و ڕۆشتنی گەشتیارانیش بەڕێژەی %٠.٤ زیادیکردووە.

 

ب.ل



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin