Smiley face
Smiley face
Smiley face

جڤاکی ئیسلامیی کوردستان هەڵدانەوەی گۆڕی گەریلاکانی شەرمەزارکرد

2018-01-14 15:40:33



رۆپژنیوز - ناوەندی هەواڵەکان

 

جڤاکی ئیسلامیی کوردستان، سەبارەت بە هەڵدانەوەی گۆڕی شەهیدان لەلایەن حکومەتی ئاکەپەوە ڕاگەیەندراوێکی بڵاوکردەوە و ئەو کردەوەیەی شەرمەزارکرد.

 

ئەمڕۆ جڤاکی ئیسلامی کوردستان، لە بەیاننەمەیەکدا ڕایگەیاند، کە هێرشی حکومەتی ئاکەپە بۆ سەر گۆڕی شەهیدان لە مەزرگەکانی گارزان و گمگم کردەوەیەکە کە لە سەردەمی جاهلییەتدا ماوە.

 

لە بەیاننامەکەدا هاتووە: ئەردۆغان و دەوروبەرییەکانی جیهانی ئیسلامییان کردووەتە دەریاچەی خوێن، ئەوان لە داعشیش مەترسیدارترن، تا ئەو ئاستەی کە هێرش دەکەنە سەر مرۆڤی مردوو، ئەوەی ئەردۆغان و دەوروبەرییەکانی ئەنجامی دەدەن، ئەبو جەهل، نەمرود، فیرعەون و کافرەکانیش نایکەن.

 

هەروەها هاتووە: بێدەنگی لە بەرامبەر ئەو کردەوەیەدا بەواتای پشتگیریکردنییەتی، ئەوانەی لە بەرامبەری ئەو تاوانەدا بێدەنگ دەمێننەوە دەبێت گومان لە ئسیلامی بوونیان و باوەڕیان بە اللە بکرێت.

 

لە کۆتاییشدا جڤاکی ئیسلامیی کوردستان بانگەوازیی خەڵکی کردووە، کە لە هەر شوێنێک زوڵم و ستەم هەبێت دەبێت دژی تێکۆشان ئەنجام بدرێت، خوا تێکۆشان لە دژی ئەو ستەمکارانەی بە نسیبی ئێوە کردووە، ڕاگەیەندراوەکە بە نووسینی دروشمی "دۆزەخ بۆ ستەمکاران" کۆتایی پێهاتووە.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin