Smiley face
Smiley face
Smiley face

سامر حسێن: هێزەکانى بەرپەرچدانەوەى خێرا ئەمنییەتى خورماتوو دەپارێزن

2018-01-14 15:40:26



ڕۆژنیوز ـ هاوڕێ  کرێکار 


لە شارۆچکەى خورماتووى سەر بە پارێزگاى سەڵاحەدین، لە کۆبونەوەیەکدا بڕیاردرا کار بۆ گەڕانەوەى ئاوارەکان بکرێت و هێزى بەرپەرچدانەوەى خێرا بەرپرسیارێتی دۆخى ئەمنى شارۆچکەکە بگرێتە دەست.


ئەمڕۆ لە بیناى قائیمقامیەتى شارۆچکەى خورماتوو، کۆبونەوەىەکی فراوان لە نێوان هێزى بەرپەرچدانەوەى خێرا و سوپاى عێراق و هێزە  ئەمنییەکان و قائیمقامى خورماتوو بە وەکالەت ئەنجامدرا و دواى کۆبونەوەکە کۆنگرەیەکى ڕۆژنامەوانی  ئەنجامدرا. 


لە کۆنگرە ڕۆژنامەوانیەکەدا، لیوا سامر حسێن فەرماندەى هێزەکانى بەرپەرچدانەوەى خێرا، بە دەزگاکانى ڕاگەیاندنى وت: کۆبونەوەکە بۆ تاوتوێکردنى چەند پرسێک بووە لەنێوان هێزەکانی بەرپەرچدانەوەى خێرا و پۆلیسی خورماتوو و قائیمقامی بە وەکالەت و سوپاى عێراق و هێزە ئەمنییەکان و ئەنجومەنى شارۆچکەى خورماتوو. 


سامر حسێن وتیشی: لەسەر سێ پرس قسە کرا و ڕێککەوتن کرا، یەکەم گەڕانەوەى ئاوارەکان  بۆ شوێنى  خۆیان بە زووترین کات، جگە لەو کەسانەى ناویان هەیە لە لای لیژنە ئەمنییەکان و سەرپێچیان کردووە بۆیان نیە بگەڕینەوە، دووەم  ئەوانەى تۆپبارانی شارۆچکەکە دەکەن، چاودێری بکرێن، بزانن ئەمانە کێن، بە ڕێکەوتن لەگەڵ پێشمەرگە   ئۆپەراسیۆن بۆ ڕاماڵینیان ئەنجام بدرێت. 


هەروەها باسی لەوەشکرد: لە کۆبونەوەکەدا بڕیاردرا ئەمنییەتى شارۆچکەى خورماتوو لە لایەن هێزەکانى بەرپەرچدانەوەى خێرا دەپارێزرێت. 


ک.ک 
 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin