Smiley face
Smiley face
Smiley face

ئەردۆغان هەڕەشەی کرد و چەتەکانی قاعیدەش هێرشیان کردە سەر عەفرین

2018-01-14 13:12:36



ڕۆژنیوز - ناوەندی هەواڵەکان

 

پاش ئەوەی ئەردۆغان لە کۆنگرەی حزبەکەیدا هەڕەشەی هێرشی بۆ سەر عەفرینی کرد، چەتەکانی قاعیدە کە لە ئیدلب جێگربوون فەرمانی ئەردۆغانیان جێبەجێ کرد.

 

دوێنێ چەتەکانی تەحریری شام کە هەمان ئەلقاعیدەی پێشون لە کاتێکدا هێرشیان کردە سەر عەفرین و سنوورەکانی ئەو کانتۆنەیان تۆپباران کرد، کە فەرمانەکەی لەلایەن ئەردۆغانەوە لە کۆنگرەی ئاکەپەدا درابوو، شەڕڤانانی یەپەگە و یەپەژە بە توندی وەڵامی هێرشی چەتەکانیان دایەوە.

 

ئەردۆغان کە لە ئەنجامی دانوستانەکانی ئاستانەدا و دیاریکردنی هەرێمە پارێزراوەکان لە شەڕ توانی هێزەکانی سوپای تورک بگەیەنێتە سنوورەکانی ئیدلب، بیر لە داگیرکردنی عەفرین دەکاتەوە، ئەردۆغان لە کۆنگرەی حزبەکەیدا وتبووی:"عەفرین بە سەریاندا دەڕووخێنین".

 

 

دوابەدوای ئەو هەڕەشەیە بوو، کە چەتەکانی تەحریری شام و تۆپخانەکانی سوپای تورک لە سنوورەکانی ئیدلب دەستیان کرد بە تۆپبارانکردنی کانتۆنی عەفرین و زیانیان گەیاند بە ماڵو موڵکی هاوڵاتیان لە گوندەکانی شارۆچکەکانی جندرێس و شێراوا.

 

لە بەرامبەر ئەو هێرشەدا شەڕڤانانی یەکینەکانی پاراستنی گەل ویەکینەکانی پاراستنی ژنان، بنکە و بارەگاکانی چەتەکان و سوپای تورکیان لە ئیدلب تۆپباران کرد، ڕاگەیەندرا، کە ژمارەیەکی زۆر چەتە برینداربوون و کوژران.

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin