Smiley face
Smiley face
Smiley face

تا ئێستاش هاوڵاتیانی خورماتوو ناتوانن بچنەوە شارۆچکەکەوە

2018-01-14 09:55:44



ڕۆژنیوز ـ هاوڕێ کرێکار

 

ئەندامێکى ئەنجومەنى جەماوەری خورماتوو ڕایدەگەیەنێت، لەناو شارۆچکەى خورماتوو لەڕووى ئەمنیەوە جۆرێک لە هێوربوونەوە بەدی دەکرێت، بەڵام بەو شیوەیە نییە، کە خەڵکەکە بتوانێت بگەڕێتەوە شوێنى خۆی.

 

لە دواى ڕووداوەکانى ١٦ى ئۆکتۆبەرى ساڵی ٢٠١٧وە، شارۆچکەى خورماتووی سەر بە پارێزگاى سەلاحەدین، دۆخێکى ئاڵۆزی بەخۆیەوە بینى، خراپى ئەو دۆخەش بووە هۆی ئەوى هاوڵاتیانى کورد ئاوارەبوون، لە ئێستاشدا بە وتەی ئاسۆ ساڵەح، ئەندامى ئەنجومەى جەماوەری خورماتوو، هێزێکی سەربازی زۆر براوەتە شارۆچکەکەوەو ماڵان تاڵان دەکەن.

 

ئاسۆ ساڵەح، ئەندامى ئەنجومەى جەماوەری خورماتوو، بە ڕۆژنیوزى وت: دۆخى ئەمنى شارۆچکەى خورماتوو زۆر ئارام نییە و زۆریش خراپ نییە، بەڵام جۆرێک لە هێوربوونەوە بەدی دەکرێت، بەداخەوە بەو شیوەیە نییە کە خەڵکەکە بتوانێت بگەڕێتەوە شوێنى خۆی، ئەوەى ئێستا بەدی دەکرێت لە نێو شارۆچکەکە دیاردەیەکى چەکداری بەرفراوان بڵاوبوەتەوە.

 

 

ئاسۆ سەبارەت بە هاتنى هێزەکانى بەپەرچدانەوەى خێرا بۆ خورماتوو، وتی: لەکاتى سەردانى شاندێکى خەڵکى خورماتوو بۆ لاى بەرپرسانى باڵاى شیعەکان، بەڵێنى ئەوەیان پێداین، گروپەکانى حەشدی شەعبی لە شارۆچکەکە بچنە دەرەوە و هێزێکى مغاویری سەر بە ئۆپەراسێۆنەکانى پارێزگاى سەڵاحەدین بێنە ناو خورماتوو و ئەمنییەتى شارۆچکەکە بگرنە ئەستۆ، سەرۆک کۆماری عێراقیش بەڵێنىدا فەوجێک لە دوو لیوا تایبەتەکە بنێرێت بۆ خورماتوو.

 

وتیشی: ئەوەى توشی شۆکى کردوین هاتنى هێزەى بەرپەرچدانەوەى خێرایە، کە لە سێ لیوا پێک دێن و ئالیات و زریپۆشیان لەگەڵ، ئەم سوپایە تایبەت نییە بەوەى مەلەفی ئەمنى شارۆچکەیەک لە ئەستۆ بگرێت، ئەوى پێشبینى دەکرێت ئەم هێزە بۆ ئۆپەراسیۆن هاتبن و لە گەڕەکى ڕزگاری ژمارەیەک ماڵی هاوڵاتیانیان تاڵانکردووە، ئێمە لە بەرپرسانى شیعە داواى هاتنى ئەم هێزەمان نەکرد.  

 

لە سەر پرسی گەڕانەوەى بەشێک لە ئاوارەکانى خورماتوو، ئاسۆ ساڵەح ئاماژەى بەوەدا، ئەو ماڵانەى گەڕاونەتەوە خورماتوو ڕێژەیەکى زۆر زۆر کەمە، خەڵکى هەژارو کەم درامەتن و تواناى کرێدانیان نییە، بەشیکیان خاوەن دوکانن و نایانەوێ موڵکەکانیان تاڵان بکرێت.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin