Smiley face
Smiley face
Smiley face

پۆلیسی ئێران ئۆتۆمبێلی کاسبکارێکی کوردی تەقاندەوە

2018-01-14 09:01:40



ڕۆژنیوز - ناوەندی هەواڵەکان

 

هێزەکانی پۆلیسی ئێران پاش ئەوەی بە دوای کاسبکارێکی کورد کەوتوون و دەستیگریان کردووە، ئۆتۆمبێلەکەشیان تەقاندووەتەوە کە باری تێدابووە.

 

بەگوێرەی هەواڵێکی کەناڵی تێلێگرامیی کۆڵبەرنیوز، دوێنێ لە لە گوندی خەیری سەربە شاری سەقزی پارێزگای سنەی ڕۆژهەڵاتی کوردستان پاش ئەوەی تەقەیان لە ئۆتۆمبێلی کاسبکارێک کردووە، کاسبکارەکەیان دەستگیر کردووە، ئۆتۆمبێلەکەیان تەقاندووەتەوە و هەموو بارەکانی ناو ئۆتۆمبێلەکەش سووتێندراون.

 

ئەو کاسبکارە ناوی محەمەد بووە و لە دەوروبەری شاری سەقز هێرش کراوەتە سەری.

 

جێگای ئاماژەیە، کە حکومەتی ئێران ئەو کاسبکارانە کە باری زۆر ئاسایی وەک خواردن یان جلوبەرگ لە نێوان شارەکانی ڕۆژهەڵاتی کوردستان دەگوازنەوە بە قاچاخچی ناوزەد دەکات و دەستڕێژیی گولـلەیان لێدەکات یان لە باشترین حاڵەتدا ئۆتۆمبێل و بارەکانیان دەسووتێنێت.

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin