Smiley face
Smiley face
Smiley face

هەڕەشەی داخستنی لاپەڕەکانی ڕۆژنیوز لە تۆڕە کۆمەڵایەتییەکان دەکرێت

2018-01-13 13:47:37



ڕۆژنیوز - ناوەندی هەواڵەکان

 

پاش بڵاوبوونەوەی چەند دیمەن و بابەتێک لە لاپەڕەکانی تۆڕە کۆمەڵایەتییەکانی تویتەر و فەیسبوک، لەلایەن بەڕێوەبەرانی هەردوو تۆڕە کۆمەڵایەتییەکەوە نامەی هەڕەشەی داخستنی لاپەڕەکان ڕۆژنیوز بە هەژمارەکانی ڕۆژنیوز گەیشتووە.

 

هەفتەی رابردوو، پاش ئەوەی ئاژانسی هەواڵی فورات وێنە و ڤیدیۆی دانپێدانانەکانی بەرێوەبەرە بەدیلگیراوەکانی میتی تورکی بڵاوکردەوە، ئاژانسی ڕۆژنیوزیش ئەو هەواڵەی ڕووماڵ کرد، تۆڕە کۆمەڵایەتییەکانی تویتەر و فەیسبوک، هەڕەشەیان لە ئاژانسەکەمان کرد، کە ئەگەر ئەو هەواڵانە نەسڕدرێنەوە ئەکاونتی ڕۆژنیوز دادەخات.

 

هەروەها لەگەڵ بڵاوبوونەوەی بەڵگەکانی تیرۆرکردنی ساکینە جانسز، فیدان دۆغان و لەیلا شایلەمەز لە پاریسی پایتەختی فەرەنسا و خستنەڕووی رۆڵی میتی تورک لەو تاوانەدا، فەیسبووک لاپەڕەی بەشی کرمانجی ڕۆژنیوزی داخست و سەرجەم ئادمینەکانی لاپەڕەی سۆرانی ڕۆژنیوز لە فەیسبووک دەرکران و بە مەرجی سڕینەوە ژمارەیەک بابەت لە لاپەڕەی ڕۆژنیوز ڕێگە درا، کە هەژمارەکانیان بکرێتەوە.

 

لەلایەکی دیکەشەوە تۆڕی کۆمەڵایەتی تویتەر، لە نامەیەکی هەڕەشەئامێزدا، بە پشتبەستن بە بریارێکی دادگای تورک لە دژی ئاژانسەکەمان، هەڕەشەی داخستنی هەژماری کرمانجی ئاژانسی ڕۆژنیوزی کردووە.

 

 

ئەوەش لە کاتێکدایە، کە بە بڕیاری حکومەتی تورک و هاوکاریکردنی تۆڕە کۆمەڵایەتییەکان لەگەڵ دەسەڵاتداریی فاشیستی تورکیا، هەموو ئەکاونتەکانی ئاژانسی هەواڵی فورات لە سەر فەیسبوک، تویتەر و ئینستاگرام داخراون.

 

جگەلەوەش هەڕەشە لە سەر هەموو ئەو هەژمارە شەخسیانەش هەیە، کە وێنە و ڤیدیۆ و هەواڵی دانپێدانانەکانی بەڕێوەبەرە بەدیلگیراوەکانی میتی تورکیان بڵاوکردووەتە و هۆشداری دراوەتە هەموویان کە ئەو هەواڵانە لە سەر هەژمارەکاینان بسڕنەوە، بە پێچەوانەوە هەژمارەکانیان دادەخرێت.

 

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin