Smiley face
Smiley face
Smiley face

بەھۆی بوومەلەرزەوە پارێزگاری دیالە پشووی ڕاگەیاند

2018-01-11 13:14:08



ڕۆژنیوز - ئەمیر خانەقینی

 

لە ماوەی دوو کاتژمێردا نزیکەی سێزدە جار بوومەلەرزەی بەھێز بە گوڕی جیاواز لە پارێزگای دیالە ڕوویانداوە، بەهۆییەوە پارێزگای دیالە ئەمرۆی کردە پشووی فەرمی، قایمقامییەتی خانەقینیش دەوامی خوێندنگەکانی پاشنیوەڕۆی کردە پشوو.

 

موسەنا تەمیمی، پارێزگاری دیالە، دوای ڕوودانی بوومەلەرزە لە سنووری پارێزگای دیالە، راگەیاندراوێکی بڵاوکردەوە کە تێیدا بڕیاری پارێزگای ئاراستەی فەرمانگەکانی پارێزگاکە کردووە بۆ ڕاگرتنی دەوامی فەرمی بەهۆی ڕوودانی بومەلەرزە و مەترسی دووبارەبوونەوەی.

 

یوسف ئیبراهیم، بەرپرسی ڕاگەیاندنی قامقامییەتی شارۆچکەی خانەقین، بە ڕۆژنیوزی وت: لەسەر ڕێنماییەکانی و فەرمانی پارێزگاری دیالە، دەوامی پاشنیوەڕوانی خوێندنگەکانمان کردە پشوو، ئەمەش دوای ئەوە هات کە لە ماوەیەکی کەمدا سێ جار بوومەلەرزە لە سنووری پارێزگای دیالەوە ڕوویدا، ئەم ڕێوشێونەش لەپێناو سەلامەتی گیانی خوێندکاران و کارمەندان گیراوەتەبەر.

 

بەرزترین گوڕی بوومەلەرزەکەی ئەمڕۆ بریتییە بووە لە گوڕی ٤.٣، و نزمترینیشی بە گوڕی ٢.٨ بووە، ناوەندی سەرجەمیشیان شارۆچکەی مەندەلی بووە.

 

د.خ

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin