Smiley face
Smiley face
Smiley face

خۆپیشاندانەکانی تونس شەوی ڕابردووش بەردەوام بوو

2018-01-11 08:38:17



رۆژنیوز - ناوەندی هەواڵەکان

 

خۆپیشاندانەکانی خەڵکی تونس شەوی ڕابردوو لە سێیەمین شەوی دا بەردەوام بوو، لە چەندین شوێن تێکهەڵچووونی نێوان خۆپیشاندەران و هێزەکانی پۆلیس ڕوویدا.

 

ئێوارەی دوێنێ لە شارەکانی تونسی پایتەخت و تەبوربەدا، هاولاتیان خۆپیشاندانیان ئەنجامدا و لە بەرامبەردا هێزەکانی پۆلیس هێرشیان کردە سەر خۆپیشاندەران.

 

خەلیفە شیبانی، وەزیری ناوخۆی تونس، لە بارەی خۆپیشاندانەکانەوە قسەیکردووەو باسی لە سووتانی زیاتر لە ٤٥ ئۆتۆمبێلی پۆلیس کردووە لە ئەنجامی خۆپیشاندانەکانی شەوی ڕابردوودا.

 

خەڵکی تونس بەهۆی پرۆژەیاسای بودجەی ساڵی ٢٠١٨ ڕژاونەتە سەر شەقامەکان و لە بەردەوامی خۆپیشاندانەکاندا ناڕەزایی دەردەبڕن بەرامبەر بە دۆخی سیاسی و ئابوری وڵاتەکە.

 

ڕانەگەیەندراوە، کە شەوی ڕابردوو چەند خۆپیشاندەر دەستگیرکراون، بەڵام تا پێش شەوی ڕابردوو ٢٠٦ کەس دەستگیرکرابوون و خۆپیشاندەرێکیش کوژرابوو.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin