Smiley face
Smiley face
Smiley face

گەنجێک کوژرا و باوک و برایەکیشی بریندارکران

2018-01-10 13:44:37



ڕۆژنیوز – ناوەندی هەواڵەکان

 

لە شارەدێیەکی سنووری پێنجوێن تەقە لە دوو کوڕ و باوکێک کرا و لە ئەنجامدا یەکێک لە کوڕەکان کوژرا و باوک و براکەشی برینداربوون.

 

بەپێی ڕاگەیەندراوێکی ئیقبال محەمەد، وتەبێژی پۆلیسی قەزا و ناحیەکانی سلێمانی، ئەمڕۆ لە شارەدێی گەرمک-ی سەر بە شارۆچکەی پێنجوێن-ی پارێزگای سلێمانی، لەسەر ڕیگای گوندی میشیاو ڕووداوێکی تەقەکردن ڕوویداوە.

 

لە ڕاگەیەندراوەکەدا، کە وێنەکەی بۆ ڕۆژنیوز نێردراوە، هاتووە:"لە ئەنجامی ئەو ڕووداوەدا کەسێک بەناوی (ت.ج.س)، تەمەن ٢٠ ساڵ کوژراوە".

 

هەروەها، دوو کەسی دیکەش، کە باوک و برای کوژراوەکەن بە ناوەکانی (ج. س.س) تەمەن ٦٣ ساڵ و (ت.ج.س) برینداربوون.

 

ئەوەش هاتووە: بریندارەکان ڕەوانەی نەخۆشخانەی فریاکەوتنی سلێمانی کراون و تەرمەکەش ڕەوانەی پەیمانگای پزیشکیی دادی سلێمانی کراوە.

 

لە کۆتاییشدا هاتووە: پۆلیسی پێنجوێن پەڕاوی لێکۆڵینەوەی بۆ ڕووداوەکە کردووەتەوە و دادوەر بڕیاری دەستگیکردنی بۆ تۆمەتباران بەپیی ماددەی ٤٠٦ لە یاسای سزادان، دەرکردووە.

 

لە ڕاگەیەندراوەکەدا، ئاماژە بە هۆکاری تەقەکردنەکە نەکراوە.

 

بەپێی ئامارێکی ڕۆژنیوز، لە سەرەتای ساڵی نوێوە، ئەمە ١٢هەمین حاڵەتی کوشتن و خۆکوشتنە(بە هەموو جۆرەکانییەوە)، کە لە باشوری کوردستان ڕوودەدات، ئەمە جگە لە کوژرانی گەنجێک لە شارۆچکەی ماوەت بەهۆی تەقینەوەی گولـلەهاوەنێک-ەوە.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin