Smiley face
Smiley face
Smiley face

ژنە زیندانییەکانی کورد لە زیندانی خارپێت ماوەی ٧١ ڕۆژە مانیان لە خواردن گرتووە

2018-01-10 13:24:11



رۆژنیوز - ناوەندی هەواڵەکان

 

ژنەزیندانیانی کورد لە زیندانی خارپێت-ی سەربە ئەلعەزیزی باکوری کوردستان ماوەی ٧١ ڕۆژە مانیان لە خواردن گرتووە.

 

دایکی ڕۆزارین ئیلدان، یەکێک لەو ژنەزیندانیانە هەواڵی بەردەوامبوونی ئەو مانگرتنەی بڵاوکردووەتەوە و ڕایگەیاندووە، کە ئەوان لە ناوەوە و ئێمەش لە دەرەوە بەردەوام دەبین لە بەرخۆدانماندا.

 

مانگرتن لە خواردنی ژنەزیندانیانی سیاسی کورد لە زیدانی خارپێتدا کە بە مەبەستی دەربڕینی ناڕەزایی بەرامبەر بە فشارەکانی پاسەوانەکان و بەڕێوەبەرانی زیندان دەستیان پێکردووە لە ٧١-ەمین ڕۆژیدا بەردەوامە.

 

یەکێک لەو زیندانیانە، ڕۆزارین ئیلدانە، کە لە زیندانی خارپێتەوە دوور خراوەتەوە بۆ زیندانی ئەرزیرۆم، لەگەڵ ئەوەشدا بەردەوامە لە مانگرتن لە خواردنەکەی.

 

یاسمین ئیلدان، دایکی ڕۆزارین دەڵێت، کە ماوەی چوار مانگە نەیتوانیوە چاوی بە کچەکەی بکەوێت و وتیشی، کە دۆخی تەندروستی زیندانییە مانگرتووەکان ناجێگیرە و پێویستە ڕایگشتی هەستیار بێت لە بارەی ئەو بابەتەدا.

 

یاسمین ئیلدان وتیشی: ئەوان لە ناوەوەو ئێمەش لە دەرەوە بەردەوام دەبین لە بەرخۆدانماندا.

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin