Smiley face
Smiley face
Smiley face

"ژنان دەتوانن ڕۆڵی باشیان لە بەرەوپێشبردنی کۆمەڵگادا هەبێت"

2018-01-10 09:08:03



ڕۆژنیوز - هاوکار مستەفا

 

ژنان پێیان وایە، کە پێویستە بتوانن بڕیار لەسەر کاروبارەکانی خۆیان بدەن، دەشڵێن: ئەگەر دەرفەتمان بۆ بڕەخسێندرێت ڕۆڵ و کاریگەریی زۆر باشمان دەبێت لە بەرەو پێشبردنی کۆمەڵگا.

 

ژمارەیەک لە ژنانی چالاکوان لە شارۆچکەی شارەزوور-ی سەر بە پارێزگای سلێمانی لە لێدوانیاندا بۆ ڕۆژنیوز باس لە ڕۆڵی ژن دەکەن لە هەرێمی کوردستان.

 

نارین عوسمان، بەرپرسی گروپی کچانی گەوهەر، پێیوایە، کە ئەگەر ژنان دەرفەتیان بۆ بڕەخسێندرێت ڕۆڵ و کاریگەریی زۆر باشییان دەبێت بۆ بەرەو پێشبردنی کۆمەڵگا، چونکە زۆرترین بەرکەوتنیان لەگەڵ نەوەی نوێدا هەیە.

 

 

نارین، وتیشی: ئەگەر ژنان خۆیان ڕۆشنبیربن و بتوانن مافەکانی خۆیان بەدەست بهێنن، بێگومان نەوەیەکی ڕۆشنبیریش پەروەردە دەکەن.

 

ویژدان ئەحمەد، ژنە چالاکوانێکی دیکەیە و وتی: بۆئەوەی ژنانیش هەست بە بوونی خۆیان بکەن و بتوانن بڕیار لەسەر کاروبارەکانی خۆیان بدەن دەبێت زیاتر بێنە دەرەوە و دابونەریتەکانی کۆمەڵگا قبوڵ نەکەن.

 

 

ویژدان ئەحمەد، بە پێویستی زانی، کە ژنان زۆر گرنگیی بە خوێندنەوەی کتێب بدەن بۆ ئەوەی لەو ڕێگایەوە بتوانن هۆشیاریی زیاترییان دەست بکەوێت لەسەر ئەرک و مافەکانیان.

 

 

ش.ف



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin