Smiley face
Smiley face
Smiley face

ژنانی دەربەندیخان هەوڵ بۆ بەکلتوورکردنی کاری خۆبەخشیی دەدەن

2018-01-09 09:28:06



ڕۆژنیوز - بۆتان گەرمیانی

 

دەستەیەک ژنی خۆبەخش بە هاوکاریی ڕێکخراوی سروشتی کوردستان، دەستیان داوەتە کاری خۆبەخشیی و ئەندامێکی گرووپەکەش دەڵێت:هەوڵدەدەین کاری خۆبەخشیی بکەین بە کلتور.

 

پێنج ژنی خۆبەخش، لە شارۆچکەی دەربەندیخانی سەربە پارێزگای سلێمانی، کە هەموویان دەرچووی زانکۆن، بە هاوکاری ڕێکخراوی سروشتی کوردستان، گرووپێکیان پێکهێناوە بەناوی (کچانی خۆبەخش)، بۆ هاوکاریکردنی خەڵکی هەژار و کەمدەرامەت.

 

 

فرمێسک عوسمان، سەرپەرشتیاری گرووپەکە، لەبارەی گرووپەکەیانەوە بە ڕۆژنیوزی وت:"ئێمە گرووپی 'کچانی خۆبەخش'ی دەربەندیخانین، گرووپەکەمان لە پێنج کچ پێکدێت، هەموومان دەرچووی زانکۆین، ئێستا بە هاوکاریی ڕێکخراوی سروشتی کوردستان، بە دابەشکردنی جلوبەرگ و هەندێک پێداویستی، یارمەتی خەڵکی هەژار دەدەین، هەوڵیش دەدەین لە داهاتوودا کارەکانمان بکەین بە پرۆژەیەکی ساڵانە و فراوانتری بکەین".

 

 

ڤیان فەرەج، ژنێکی دیکەی خۆبەخشی گرووپەکەیە، بۆ ڕۆژنیوز قسەی کرد وتی:"ئێمە هەوڵمانداوە لەم بارودۆخە ناهەموارەی کە خەڵکی تێدایە، بۆشاییەکی بچوک پڕ بکەینەوە لە ژیانیاندا".

 

 

هەروەها وتیشی:"لە کاری یەکەمماندا هەستاوین بە کۆکردنەوەی کۆمەڵێک جلوبەرگ و پێداویستی، پاشان دابەشکردنیان بەسەر ئەو خێزانانەی کە پێویستیانە، لە بەرنامەماندایە کە بەردەوامی بدەین بەم کارە خۆبەخشانەمان، هەوڵدەدەین کاری خۆبەخشیی بکەینە کلتور".

د.خ



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin