Smiley face
Smiley face
Smiley face

ژمارەی دەستگیرکراوە کوژراوەکان لە زیندانەکانی ئێران گەیشتە سێ کەس

2018-01-09 09:16:24



ڕۆژنیوز - ناوەندی هەواڵەکان

 

پاش ئەوەی دوێنێ پەرلەمانی ئێران هەواڵی گیان لە دەستدانی سینا قەنبەریی لە زیندانی ئەویندا پشتڕاست کردەوە، شەوی ڕابردوو هەواڵی گیان لە دەستدانی دوو گەنجی دەستگیرکراوی دیکە بڵاوکرایەوە.

 

شەوی ڕابردوو نەسرین ستودە، پارێزەری دیاری ئێرانی، لە لێدوانێکدا بۆ کەناڵی ئاسمانیی ئێران ئینترناشناڵ، هەواڵی گیان لە دەستدانی دوو دەستگیرکراوی دیکەی بە ناوەکانی وەحید حەیدەری و موحسن عادلیی پشتڕاست کردەوە.

 

پۆلیسی شاری ئەراک ڕایگەیاندووە، کە وەحید حەیدەری بازرگانی بە ماددە هۆشبەرەکانەوە کردووە و دەستگیرکراوەو لە زینداندا خۆی کوشتووە، لە کاتێکدا خانەوادەکەی دەڵێن، کە وەحید دەستگێڕی کەنار شەقام بووە کە لە خۆپیشاندانەکانی ئەم دواییانەدا دەستگیرکراوە و لە زینداندا کوژراوە.

 

هەروەها موحسن عادلی کە لە سێیەمین ڕۆژی خۆپیشاندانەکاندا واتە لە ڕۆژی ١ی مانگدا دەستگیرکرابوو، دوو ڕۆژ پاش دەستگیربوونی تەرمەکەیان ڕادەستی خانەوادەکەی کردووەو وتوویانە، کە ناوبراو خۆی کوشتووە.

 

هاوکات نەسرین ستودە، پارێزەری ناسراو و دیاری ئێران ژمارەی دەستگیرکراوانی کوژراوی لە ناو زیندانەکاندا بە سێ کەس ڕاگەیاندووە.

 

هاوڵاتیانی ئێرانی دەڵێن، کە بانگەشەی خۆکوژی ئەو دەستگیرکراوانە لەلایەن حکومەتی ئێڕانەوە سیناریۆیەکی دووبارەیە و چیدی کەس باوەڕ بەو بانگەشانەی حکومەتی ئێڕان ناکات.

 

جێگای ئاماژەیە، ڕۆژ لەدوای ڕۆژ نیگەرانی هاوڵاتیانی ئێران بۆ دووبارە بوونەوەی ڕووداوەکانی ناو زیندانەکان لە پاش خۆپیشاندانەکانی سالی ٢٠٠٩ زیاتردەکات، لە ساڵی ٢٠٠٩دا  دەیان زیندانی لە زیندانەکاندا لە ژێر ئەشکەندەدا کوژران و دواتریش کەس بەرپرسیارێتی ئەو تاوانانەی لە ئەستۆ نەگرت.

 

لەو زیندانەدا زیاتر لە ٢٠ کەس کوژران و دڕندەترین ئەشکەنەکدان دژ بە هاوڵاتیان ئەنجامدرا.

 

(سێ کوژراوەکەی ئەمساڵی زیندانییەکانی ئێران)

 

س.ح



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin