Smiley face
Smiley face
Smiley face

پۆلیسی سلێمانی: کچێک کۆتایی بە ژیانی خۆی هێنا

2018-01-09 09:01:25



ڕۆژنیوز – ناوەندی هەواڵەکان

 

لە شاری سلێمانی کچێکی تەمەن 17 ساڵ کوژرا و پۆلیس-یش دەڵێت: خۆی خۆی کوشتووە.

 

بەپێی ڕاگەیەندراوێکی بەڕێوەبەرایەتی پۆلیسی سلێمانی، کە درەنگانی شەوی ڕابردوو بڵاویکردووەتەوە"پاش نیوەڕۆی دوێنێ لە گەڕەکی خەبات-ی شاری سلێمانی کچێکی تەمەن 17 ساڵ فیشکێکی ناوە بە خۆیەوە".

 

هەر لە ڕاگەیەندراوەکەدا هاتووە:"دوای گەیشتنی هێزەکانی پۆلیسی پارێزگای سلێمانی و تیمە فریاگوزارییەکان، کچەکە بە برینداریی ڕەوانەی نەخۆشخانەی فریاکەوتنی سلێمانی کرا، بەڵام بەهۆی سەختی برینەکەیەوە ئەمشەو گیانی لە دەستدا".

 

ئەوەش هاتووە:"بە پێی زانیارییە سەرەتاییەکان خۆکوژەکە ناوی (ک،ا، ا) هۆکاری خۆکوشتنەکەشی نەزاندراوە".

 

هەر بەپێی ڕاگەیەندراوەکە، لەلایەن هێزەکانی پۆلیسەوە لێکۆڵینەوەی ورد لە ڕوداوەکە دەستیپێکردووە.

 

بەپێی ئامارێکی ڕۆژنیوز، لە سەرەتای ساڵی نوێوە، ئەمە دەیەمین حاڵەتی کوشتن و خۆکوشتنە، کە لە باشوری کوردستان روودەدات و لەو ژمارەیەش پێنج-یان ژن بوون.

 

 

ش.ف

 



-
RojNews
په‌یوه‌ندی


Korek       : +964 7508749379

Asia          : +964 7718835920

Normal     :   +964 533361295

Email  : [email protected]
© Copyright 2015 . Hemû mafên portala ROJNEWS Ajansa Nûçeyan a Roj hatine parastin